ალექსანდრ არეშჩენკო
ალექსანდრ არეშჩენკო ((უკრ. Олександр Арещенко), (ინგლ. Alexander Areshchenko) დ. 15 ივნისი, 1986, ლუჰანსკი, უკრაინის სსრ, სსრკ) ― უკრაინელი მოჭადრაკე, დიდოსტატი (2002), უკრაინის ჩემპიონი 2005 წელს.
 ალექსანდრ არეშჩენკო, 2021 | |
| ქვეყანა (სპორტი) |
 უკრაინა |
|---|---|
| ეროვნება | უკრაინელი |
| დაბადების თარიღი | 15 ივნისი, 1986 |
| დაბადების ადგილი | ლუჰანსკი, უკრაინის სსრ, სსრკ |
| წოდება | დიდოსტატი (2002) |
| ფიდე რეიტინგი | 2667 (მაისი 2022) |
| მაქსიმალური რეიტინგი | 2720 (დეკემბერი 2012) |
ბიოგრაფია
რედაქტირებაალექსანდრე 1986 წლის 15 ივნისს ლუჰანსკში დაიბადა. ჭადრაკის თამაში ადრეულ ასაკში ისწავლა და ასაკობრივ შეჯიბრებებზე გამოდიოდა. 2000 წელს ოროპესა-დელ-მარიში 16 წლამდელებში მსოფლიოს ჩემპიონობა მოიპოვა. 2000, 2001 წლებში უკრაინის 18 წლამდელთა ნაკრების შემადგენლობაში ევროპის 18 წლამდელთა ჩემპიონი გახდა. იგი ორივეჯერ მეოთხე დაფაზე იჯდა და 2001-ში ინდივიდუალური ოქროც აიღო.
2002 წელს ალუშტაში უკრაინის პირველობაზე ბრინჯაოს მედალს დაეუფლა. არეშენკომ 5 მოიგო, 4 ყაიმით დაასრულა და ორ სხვა მოჭადრაკის მსგავსად 7 ქულა დააგროვა, თუმც დამატებითი მაჩვენებლებით მესამე ადგილი არგუნეს. 2005 წლის მარტში ქოვენთრიში საერთაშორისო ტურნირი მოიგო, 9-დან 7,5 ქულით. აგვისტო-სექტემბერში რივნეში უკრაინის ჩემპიონი გახდა. შეჯიბრი ოლიმპიური სისტემით ჩატარდა, ფინალამდე ოთხი მეტოქე გამოთიშა ასპარეზობას და დასკვნით მატჩში ზაჰარ ეფიმენკო დაამარცხა 3,5:2,5[1]. ნოემბერ-დეკემბერში ხანტი-მანსიისკში ფიდეს მსოფლიოს თასზე იასპარეზა. 128 მონაწილეს შორის რეიტინგით 35-ე იყო და მესამე ეტაპიდან შეჯიბრის მომავალ გამარჯვებულ ლევონ არონიანთან გამოვარდა 0,5:1,5[2].
2007 წელს გიბრალტარში GibTelecom Chess Festival-ზე მეორე-მეოთხე ადგილებზე გავიდა ჰიკარუ ნაკამურასთან და ემილ სუტოვსკისთან ერთად. კვლავ მესამე ეტაპზე დაასრულა გამოსვლა ხანტი-მანსიისკში 2009 წლის ფიდეს მსოფლიოს თასზე, სადაც რეიტინგით 41-ე იყო. იგი დმიტრი იაკოვენკოსთან დამარცხდა. მუმბაიში Mayor Cup-ზე თავიდან პირველ-მეოთხე ადგილზე გავიდა, თუმც ტაი-ბრეიკში ყველას აჯობა და პირველი ადგილი დაიკავა[3]. ციურიხის საიუბილეო ტურნირზე ბორის ავრუხთან ერთად პირველზე გავიდა და შემდეგ აქაც ტაი-ბრეიკში აჯობა.
2011 წელს Parsvnath Open tournament-ზე პირველ-მეხუთე ადგილი აიღო. იმავე წელს სანკტ-პეტერბურგში ორი ტურნირი, ჩიგორინის და ბოტვინიკის მემორიალი მოიგო. მომდევნო წელს უკრაინის ჩემპიონატზე მეორე ვერცხლის მედალი აიღო. 2013-ში ტრომსეში ფიდეს მსოფლიოს თასზე ისევ მესამე ეტაპზე დაასრულა ასპარეზობა, ამჯერად რეიტინგით 30-ე იყო და ვლადიმირ კრამნიკმა გამოაგდო 1:3. 2014 წელს ერევანში ევროპის ინდივიდუალურ ჩემპიონატზე 11-დან 7,5 ქულით მე-17 ადგილზე გავიდა და ფიდეს მსოფლიოს თასის საგზურიც მიიღო, რომელსაც მომდევნო წელს ბაქომ უმასპინძლა და ალექსანდრე კვლავ მესამე ეტაპამდე მივიდა. მსოფლიოს თასზე ალეშჩენკო რეიტინგით 56-ე იყო და ვეი ისთან დამარცხდა 0,5:1,5.
2015 წელს აბუ დაბის ტურნირზე თავიდან პირველ-მეხუთე ადგილები გაიყო, ნილს გრანდელიუსთან, მარტინ კვავცივთან, ბაადურ ჯობავასთან და რიჩარდ რაპორტთან ერთად, თუმც დამატებითი მაჩვენებლებით მეოთხეზე გადავიდა. [4][5]. 2016 წელს ბად-ვისში ბავარიის საერთაშორისო ჩემპიონატი მოიგო. 2017 წელს მინსკში ევროპის ინდივიდუალურ ჩემპიონატზე ოქროს მედლისთვის ნახევარი ქულა დააკლდა და საბოლოოდ მე-4-14 ადგილებს დასჯერდა. იმავე წელს ჭადრაკიდან წასვლა გადაწყვიტა და ტურნირებზე აღარ გამოსულა. მომდევნო ორ წელს მხოლოდ 20 პარტია ითამაშა, გერმანიის და უნგრეთის ჩემპიონატებზე.
არეშჩენკო 2021 წლის ივლის-აგვისტოში სოჭში ფიდეს მსოფლიოს თასზე გამოჩნდა და ისევ მესამე ეტაპიდან გამოვარდა. რეიტინგით 34-ე იყო და სემ შეკლანდთან დაასრულა ასპარეზობა 1,5:2,5. 2022 წელს ბრეჟიცეში ევროპის ინდივიდუალურ ჩემპიონატზე 37-ე ადგილს დასჯერდა.
უკრაინის ნაკრები
რედაქტირებაუკრაინის ნაკრების შემადგენლობაში 2007-2017 წლებში 6 დიდ ტურნირზე გამოვიდა, 3 ევროპის და 3 მსოფლიოს გუნდურ ჩემპიონატებზე. მსოფლიოზე ორჯერ გუნდური ბრინჯაო მოიგო[6], ხოლო ევროპაზე ერთი ინდივიდუალური ვერცხლი[7]. სულ ნაკრების შემადგენლობაში 40 პარტია ჩაატარა და და 19,5 ქულა შესძინა, აქედან 8 მოიგო, 9 წააგო, 23 ყაიმით დაასრულა. შედეგიანობა 48,8%.
| წელი | ტურნირი | ჩატარების ადგილი | ქვეყანა | დაფა | რეიტინგი | + | = | − | შედეგი | % | ტურნირის რეიტინგი | გუნდური შედეგი | პირადი შედეგი |
|---|---|---|---|---|---|---|---|---|---|---|---|---|---|
| 2007 | ევროპის ჩემპიონატი | ჰერაკლიონი | უკრაინა | სარეზერვო | 2638 | 3 | 5 | 0 | 4,5 з 8 | 68,8 | 2671 | 5 | ვერცხლი |
| 2011 | მსოფლიოს ჩემპიონატი | ნინბო | უკრაინა | სარეზერვო | 2682 | 1 | 1 | 2 | 1,5 з4 | 37,50 | 2494 | ბრინჯაო | 6 |
| 2013 | მსოფლიოს ჩემპიონატი | ანტალია | უკრაინა | სარზერვო | 2720 | 0 | 5 | 1 | 2,5 з 6 | 41,7 | 2571 | ბრინჯაო | 6 |
| 2013 | ევროპის ჩემპიონატი | ვარშავა | უკრაინა | 1 | 2720 | 2 | 3 | 3 | 3½ з 8 | 43,7 | 2643 | 9 | 21 |
| 2015 | ევროპის ჩემპიონატი | რეიკიავიკი | უკრაინა | სარეზერვო | 2682 | 2 | 3 | 2 | 3½ з 7 | 50 | 2569 | 5 | 17 |
| 2017 | მსოფლიოს ჩემპიონატი | ხანტი-მანსიისკი | უკრაინა | 3 | 2720 | 0 | 6 | 1 | 3 з 7 | 42,9 | 2579 | 6 | 6 |
განათლება
რედაქტირებადაამთავრა ლუგანსკის ტარას შევჩენკოს ეროვნული უნივერსიტეტი.
რესურსები ინტერნეტში
რედაქტირებასქოლიო
რედაქტირება- ↑ Boytsun, Olena. (2005-09-05) Areshchenko wins the Ukraine Championship. ChessBase. ციტირების თარიღი: 10 May 2010.
- ↑ 2005 World Cup. ციტირების თარიღი: 6 травня 2013.
- ↑ Zaveri, Praful. (2009-05-15) Areshchenko triumphs in Mayor's Cup – Jai Ho Mumbai!!. ChessBase. ციტირების თარიღი: 10 May 2010.
- ↑ Nils Grandelius wins Abu Dhabi Masters Chess Championship (Video). ციტირების თარიღი: 2017-06-16
- ↑ Shah, Sagar. (2015-09-03) Grandelius wins Abu Dhabi Masters 2015. ChessBase. ციტირების თარიღი: 2017-06-16
- ↑ A. Areshchenko at the World Team Chess Championships, www.olimpbase.org
- ↑ A. Areshchenko at the European Team Chess Championships, www.olimpbase.org