ალექსანდრე ალანია

ალექსანდრე ალანია (დ. 8 სექტემბერი, 1929 — გ. 21 დეკემბერი, 1995) — ქართველი გეოგრაფი, ინჟინერი და მეცნიერი.

დაიბადა სოფელ ნოსირში, სენაკის რაიონში. 1951 წელს დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი, ხოლო 1952 წელს ტაშკენტის ჰიდრომეტეოროლოგიური ცენტრის სპეცკურსი ინჟინერ-სინოპტიკოსის კვალიფიკაციით. გაიარა ასპირანტურის კურსი 1953-1957 წლებში. მუშაობდა აფხაზეთის და აჭარის ჰიდრომეტეოროლოგიური ცენტრის უფროსად საქმთავარ ჰიდრომეტეოროლოგიის ინსტიტუტში. მუშაობდა კოკისპირული სტიქიური წვიმების შედეგების თავიდან აცილების სფეროში. გამოქვეყნებული აქვს 25-ზე მეტი სამეცნიერო ნაშრომი რომლებშიც მოცემულია ოკეანოლოგიის, მეტეოროლოგიის, ჰიდროლოგიის, კლიმატოლოგიისა და ბუნების დაცვის აქტუალური საკითხები. იგი მუშაობდა ჰიდროლოგიური, საზღვაო და ამინდის პროგნოზების მეთოდიკის საკითხებზე.

ლიტერატურა

ქართველი მოგზაურები, გეოგრაფები, ბუნების მკვლევარნი, ენციკლოპედიური ცნობარი, თბ., 2003, გვ. 21

რესურსები ინტერნეტში

ალექსანდრე ალანია — საქართველოს ბიოგრაფიული ლექსიკონი