ავჯილარის რაიონი
ავჯილარი (თურქ. Avcılar) — სტამბოლის 39 რაიონიდან ერთ-ერთია. მდებარეობს სტამბოლის გარეთ, ქალაქის ევროპულ მხარეს. დასავლეთით მდებარეობს ქიუჩუქჩექმეჯის რაიონი, ხოლო სამხრეთით მარმარილოს ზღვა.
| რაიონი | |
|---|---|
|
ავჯილარი თურქ. Avcılar | |
 | |
| ქვეყანა |
 თურქეთი |
| რეგიონი | მარმარილოს ზღვის |
| მუნიციპალიტეტი | სტამბოლი |
| კოორდინატები | 40°58′45″ ჩ. გ. 28°43′17″ ა. გ. / 40.97917° ჩ. გ. 28.72139° ა. გ. |
| მერი | ჰანდან თოფრაკი |
| ფართობი | 41.85 კმ² |
| სასაათო სარტყელი | UTC+3 |
| სატელეფონო კოდი | 0-212 |
| საფოსტო ინდექსი | 34300–34399 |
| საავტომობილო კოდი | 34 |
| ოფიციალური საიტი | http://www.avcilar.gov.tr/ |
  | |
ისტორია
რედაქტირებამარმარილოს სანაპირო გზის ხიდები სრუტეში შესასვლელად, ყოველთვის მნიშვნელოვანი მარშრუტი იყო ომის დროს. ამიტომ, როდესაც ოსმალები ემზადებოდნენ სტამბოლის დასაპყრობად, დიდი მონდომებით შეავსეს ქიუჩუქჩექმეჯის ტერიტორია თურქებით და იმ დროიდან თურქები იმყოფებიან ამ ტერიტორიაზე.
რაიონის გზა, სტამბოლიდან ევროპაში, იძენს უფრო მეტ მნიშვნელობას მას შემდეგ, რაც განხორციელდა მოსახლეობის გაცვლა საბერძნეთსა და თურქეთის რესპუბლიკას შორის, როდესაც 50 ბერძნული ოჯახი გადაასახლეს, ხოლო მათი კუთვნილი ქონება გამოიყენებოდა, როგორც სამხედრო საცავი. ცოტა რამ დარჩა ამ ისტორიიდან, ეკლესია გადაკეთდა მეჩეთად და ჩამოანგრიეს 1977 წელს ახალი მეჩეთის ასაშენებლად, ხოლო შადრევნები და ნანგრევები გაქრა. დარჩა რამდენიმე შენობა ოსმალეთის დროის არქიტექტურიდან, მათ შორის სულთანის სანადირო სახლი (სახელი Avcilar — ავჯილარი, თურქულიდან ითარგმნება, როგორც „მონადირეები“), და ზოგიერთი ტრადიციული სამეურნეო სახლები.
ავჯილარი დღეს
რედაქტირებაXX საუკუნის მეორე ნახევრამდე, ავჯილარი რჩებოდა, როგორც პატარა სოფელი ზღვის სანაპიროზე უამრავი დაუსახლებელი მიწით. 1980 წლიდან იგი სწრაფად გაიზარდა. აშენდა დიდი რაოდენობით საცხოვრებელი. რაიონში აგრეთვე განვითარდა მრეწველობა, განსაკუთრებით პორტის და ასევე სოფელ ფირუზქიოის გზაზე, რომელიც გადაჰყურებს სრუტეს.
ერთ დროს ავჯილარის ზღვის სანაპირო, რომელიც ქალაქიდან განდევნილი იყო, დღეს ამბარლის პორტის საშუალებით გადატვირთულია. გზა ევროპისკენ, ოდეზღაც გადატვირთული საგზაო მოძრაობით, დღეს დაკავებულია გზატკეცილით, რომელიც სავსეა ბილბორდებით და სატვირთო მანქანებით.
ბინები ავჯილარის ცენტრში, ზღვის პირას, ძვირია. ავჯილარის ცენტრში განლაგებულია გარეთ დასაჯდომი ადგილები, ბევრი რესტორანები, ორი კინოთეატრი, ღამის კლუბები, აქტიური ღამის ცხოვრებისთვის და სავაჭრო ცენტრები თავისი სავაჭრო ქუჩებით, ასევე ამერიკული სტილის სწრაფი კვების ობიექტები, ვიწრო ქუჩები პატარა მაღაზიებით და კაფეებით.
1999 წელს, იზმითის მიწისძვრის შემდეგ,[1] რაიონის დემოგრაფიული სურათი კაარდინალურად შეიცვალა. მიწისძვრამდე, მოსახლეობის უმრავლესობა შეადგენდა თურქ ემიგრანტებს ბალკანებიდან, საჯარო მოხელეებს და უნივერსიტეტების სტუდენტებს, რომლებიც წარმოადგენდნენ შედარებით დაბალ კრიმინოგენულ ფენას. თუმცა, მიწისძვრის შემდეგ, ამ ადამიანების უმრავლესობამ დატოვა რაიონი, რომლის უმეტესი შენობები დაბალი, უხარისხო და მიწისძვრისგან გაუმძლე იყო. ქონების დაბალმა ფასებმა, ამ რაიონში მოიზიდა ბევრი ადამიანი შუა და აღმოსავლეთ ანატოლიიდან, ხოლო ამ ახალმა დემოგრაფიულმა რეალობამ გაზარდა ავჯილარის კრიმინოგენული ვითარება.
სტამბოლის უნივერსიტეტი
რედაქტირებასტამბოლის უნივერსიტეტის ერთ-ერთი კამპუსი მდებარეობს ავჯილარის რაიონში, საინჟინრო ფაკულტეტის შენობა, ბიზნესის მართვის შენობა, სპორტისა და ვეტერინარიის შენობა. კამპუსი შორსაა სტამბოლის აზიის მხრიდან და მგზავრობა კამპუსამდე საკმაოდ რთულია, ხოლო მეტრობუსის სისტემის გაყვანა ასევე ძნელია. კამპუსში არსებობს პარკი, რომელიც ასევე ქიუჩიუქჩექმეჯის ტბის გარშემოა.
მოსახლეობა
რედაქტირება| წელი | ჯამში |
|---|---|
| 2000[2] | 233,749 |
| 2007[3] | 323,596 |
| 2008[4] | 333,944 |
| 2009[5] | 348,635 |
| 2010[6] | 364,682 |
| 2011[7] | 383,736 |
| 2012[8] | 395,274 |
| 2013[9] | 407,240 |
| 2014[10] | 417,852 |
| 2014[11] | 417,852 |
| 2015[12] | 425,228 |
მიწისძვრისგან დაუცველობა
რედაქტირებაეს რაიონი 1999 წლის იზმითის მიწისძვრის დროს ძალიან დაზარალდა. ამის ძირითადი ბრალია შენობების აგებულობა, რომელიც დაბალ ქვიშიან ნიადაგზეა აგებული. ისიც ფაქტია, რომ რაიონის მაღალი შენობები და ძალიან იაფად აშენებულია, რაც მას განსაკუთრებით დაუცველს ხდის.
რესურსები ინტერნეტში
რედაქტირებასქოლიო
რედაქტირება- ↑ Barka, A. (1999), "The 17 August 1999 Izmit Earthquake"
- ↑ 2000 genel nüfus sayımı verileri. დაარქივებულია ორიგინალიდან — 2012-11-03. ციტირების თარიღი: 2012-11-03.
- ↑ 2007 genel nüfus sayımı verileri. დაარქივებულია ორიგინალიდან — 2012-11-03. ციტირების თარიღი: 2012-11-03.
- ↑ 2008 genel nüfus sayımı verileri. დაარქივებულია ორიგინალიდან — 2012-11-03. ციტირების თარიღი: 2012-11-03.
- ↑ 2009 genel nüfus sayımı verileri. დაარქივებულია ორიგინალიდან — 2012-11-03. ციტირების თარიღი: 2012-11-03.
- ↑ 2010 genel nüfus sayımı verileri. დაარქივებულია ორიგინალიდან — 2012-11-03. ციტირების თარიღი: 2012-11-03.
- ↑ 2011 genel nüfus sayımı verileri. დაარქივებულია ორიგინალიდან — 2012-11-03. ციტირების თარიღი: 2012-11-03.
- ↑ 2012 genel nüfus sayımı verileri. დაარქივებულია ორიგინალიდან — 2013-02-20. ციტირების თარიღი: 2013-02-20.
- ↑ 2013 genel nüfus sayımı verileri. დაარქივებულია ორიგინალიდან — 2014-02-15. ციტირების თარიღი: 2014-02-15.
- ↑ 2014 genel nüfus sayımı verileri[მკვდარი ბმული]
- ↑ 2014 genel nüfus sayımı verileri. დაარქივებულია ორიგინალიდან — 2015-02-10. ციტირების თარიღი: 2015-02-10.
- ↑ 2015 genel nüfus sayımı verileri