ავსტრალიის ალპები
ავსტრალიის ალპები (ინგლ. Australian Alps) — უმაღლესი მთათა სისტემა ავსტრალიაში. იგი მდებარეობს სამხრეთ-აღმოსავლეთ ავსტრალიაში და გადაჭიმულია ფედერალურ ტერიტორიაზე. სიგრძე დაახლოებით 400 კმ, სიგანე 150 კმ-მდე, სიმაღლე 1700-2000 მ, მაქსიმალური — 2228 მ (მთა კოსციუშკო, კონტინენტის უმაღლესი წერტილი). ალპები ერთადერთი ადგილია ავსტრალიაში, სადაც რეგულარულად თოვს.
| ავსტრალიის ალპები | |
|---|---|
| |
| კოორდინატები: 36°53′39″ ს. გ. 147°08′18″ ა. გ. / 36.89417° ს. გ. 147.13833° ა. გ. | |
| ქვეყანა |  ავსტრალია
|
| უმაღლესი წერტილი | კოსციუშკო |
| სიმაღლე | 2228 მ |
| სიგრძე | 400 კმ |
| სიგანე | 150 კმ |
  | |
ავსტრალიის ალპები წარმოადგენს დიდი წყალგამყოფი ქედის ნაწილს. სნოუის მთები, რომელიც მდებარეობს ახალ სამხრეთ უელსში, ავსტრალიის ალპების ნაწილია. ავსტრალიის ალპები დარღვეული ჰორსტული მასივია. აგებულია პალეოზოური დანალექი ქანებითა და გრანიტის ინტრუზივებით. ეტყობა მეოთხეული გამყინვარების კვალი (მორენები, კარები და პატარა მყინვარული ტბები). ჩრდილოეთ-დასავლეთ კალთებზე სათავე აქვს მდინარე მურეის. ფერდობები 1200-1300 მ-მდე შემოსილია ხშირი ტყეებით (ევკალიპტი, ხეგვიმრა), ზემოთ ტანბრეცილი ტყე, ბუჩქნარი და მდელოებია.
იხილეთ აგრეთვე რედაქტირება
რესურსები ინტერნეტში რედაქტირება
- Australian Alps National Parks official website დაარქივებული 2008-07-18 საიტზე Wayback Machine.
ლიტერატურა რედაქტირება
- ქართული საბჭოთა ენციკლოპედია, ტ. 1, თბ., 1975. — გვ. 132.