ავთანდილ ჩალაძე
ავთანდილ ჩალაძე (დ. 15 თებერვალი, 1935, თბილისი) — ქართველი ინჟინერ-მშენებელი.
| ავთანდილ ჩალაძე | |
|---|---|
 | |
| პირადი ინფორმაცია | |
| დაბ. თარიღი | 15 თებერვალი, 1935 |
| დაბ. ადგილი | თბილისი |
| ნამუშევრები და მიღწევები | |
| ჯილდოები | ღირსების ორდენი; თბილისის საპატიო მოქალაქე; შრომითი დამსახურების მედალი, საქართველოს სსრ უმაღლესი საბჭოს პრეზიდიუმის ღირსების სიგელი; საპატიო წოდება – საქართველოს სსრ დამსახურებული ინჟინერი, “დამსახურებული მშენებელი”; „რუსეთის ფედერაციის დამსახურებული მეგზევე”; „სათბობ-ენერგეტიკული კომპლექსის დამსახურებული მუშაკი“; „დამსახურებული ჰიდროენერგეტიკოსი“ |
ბიოგრაფია რედაქტირება
დაამთავრა საქართველოს პოლიტექნიკური ინსტიტუტი მიმოსვლის გზათა ინჟინრის სპეციალობით.
1961–1970 წლებში იყო „საქჰიდროენერგომშენის“ ტრესტის ენგურჰესის საგზაო-სამშენებლო სამმართველოს უფროსი. 1970 წელს — თბილისი-აეროპორტის ავტოსტრადის მშენებლობის უფროსი. 1971–1974 წლებში — საგზაო-სამშენებლო სამმართველოს უფროსის მოადგილე. 1974–1978 წლებში — „იჟმშენის“ სამმართველოს, ხოლო 1978–1986 წლებში — ჟინვალჰესის მშენებლობის უფროსი. 1986 წლიდან კონცერნ ტრანსპორტის სამინისტროს სამშენებლო სამმართველო „კავგვირაბმშენის“ უფროსი. 1992–2001 წლებში – სააქციო საზოგადოება კონცერნი „საქგვირაბმშენის“ პრეზიდენტი. 2001–2008 წლებში — ღია სააქციო საზოგადოება „საქგვირაბმშენი-XXI“-ის გენერალური დირექტორი. 2003 წელს ღსს სკ „ალფა-პლიუსის“, 2008 წლიდან შპს სკ „მამისონის“ გენერალური დირექტორი.
მიღებული აქვს სახელმწიფო ჯილდოები, მათშორის: საქართველოს სსრ უმაღლესი საბჭოს პრეზიდიუმის ღირსების სიგელი, რუსეთის ფედერაციის დამსახურებული მეგზევის სამკერდე ნიშანი (2004), სათბობ-ენერგეტიკული კომპლექსის დამსახურებული მუშაკის (2005), საქართველოს დამსახურებული ჰიდროენერგეტიკოსისა (2007) და დამსახურებული მშენებლის (2007) წოდება, ღირსების ორდენი.
ლიტერატურა რედაქტირება
- ენციკლოპედია „თბილისი“, თბ., 2002. — გვ. 816–817, ISBN 99928-20-32-2.
- დვალი ი., ჩვენი რაჭა, თბ., 2006. — გვ. 559–560.
- რეხვიაშვილი ნ., რაჭველები, ტ. II, თბ., 2014. — გვ. 17–18.
- ჩალაძე ავთანდილი // გაზ. „საქართველოს რესპუბლიკა“, თბ., 15 თებერვალი, 2005, № 36(5069), გვ. 3.