The Black Keys
The Black Keys — ამერიკული როკ-დუეტი, ჩამოყალიბებული 2001 წელს აკრონში, ოჰაიო. ჯგუფში შედიან: დენ აუერბახი (გიტარა, ვოკალი) და პატრიკ კარნი (დრამი). თავდაპირველად დუეტი წარმოადგენდა ინდი-პროექტს, დამოუკიდებლად წერდნენ მუსიკას და გამოსცემდნენ ჩანაწერებს, სანამ 2010-იან წლებში, ჟანრების აღორძინების მეორე ტალღის დროს, საბოლოოდ არ დაიმკვიდრეს ერთ-ერთი ყველაზე პოპულარული გერიჯ-როკის შემსრულებლის სახელი. ჯგუფის ბლუზ-როკ ჟღერადობა, უმეტესწილად, გამომდინარეობს აუერბახზე ბლუზის გავლენიდან, მათ შორის ჯუნიორ კიმბროს, ჰაულინ ვულფის და რობერტ ჯონსონის.[1][2]
| The Black Keys | |
|---|---|
 The Black Keys გამოსვლაზე ოსტინში, 2010 წელი | |
| ბიოგრაფია | |
| წარმოშობა | აკრონი, ოჰაიო, აშშ |
| ჟანრ(ებ)ი | გერიჯ-როკი, ბლუზ-როკი, ინდი-როკი |
| აქტიური | 2001–დღემდე |
| ლეიბლ(ებ)ი | Alive, Fat Possum, Nonesuch, V2, Warner Bros. |
| წევრები |
დენ აუერბახი პატრიკ კარნი |
| საიტი | theblackkeys |
| The Black Keys ვიკისაწყობში | |
ბავშვობის მეგობრებმა, აუერბახმა და კერნიმ, ჩამოაყალიბეს ჯგუფი კოლეჯის დატოვების შემდეგ.[3] ინდი–ლეიბლ Alive-თან გარიგების შემდეგ გამოვიდა სადებიუტო ალბომი, The Big Come Up (2002), რომელმაც მოუპოვა მათ ახალი ხელშეკრულება Fat Possum Records-თან. მომდევნო ათწლეულის განმავლობაში Black Keys-მა გაიჩინა უამრავი თაყვანისმცემელი ანდერგრაუნდში — პატარა კლუბებში ფართო ტურების, ალბომების ხშირი გამოცემის და მუსიკალურ ფესტივალებში მონაწილეობის საშუალებით. მათმა მესამე ალბომმა, Rubber Factory (2004), კარგი შეფასებები მიიღო და სახელი მოუხვეჭა ჯგუფს, რამაც შედეგად მიიყვანა მსხვილ ლებლთან, Nonesuch Records-თან, ხელშეკრულებამდე 2006 წელს. პირველი ოთხი ალბომის კუსტარულ სტუდიებში დამოუკიდებელი ჩაწერის და პროდიუსირების შემდეგ, დუეტმა დაასრულა Attack & Release (2008) პროფესიონალურ სტუდიაში და დაიქირავა პროდიუსერი Danger Mouse, რომელმაც შემდეგ მრავალჯერ ითანამშრომლა ჯგუფთან.
2010 წელს ჯგუფს კომერციული წარმატება მოუტანა ალბომმა Brothers, რომელშიც შევიდა პოპულარული, სამი გრემის ჯილდოს მფლობელი სინგლი „Tighten Up“.[4] 2011 წლის ალბომმა, El Camino-მ, მიიღო კარგი შეფასებები და მიაღწია მეორე პოზიციას ჩარტში ბილბორდ 200,[5] რასაც ჯგუფის კარიერაში პირველი საკონცერტო ტურნე, El Camino Tour, მოჰყვა. ალბომმა და მისმა პოპულარულმა სინგლმა, „Lonely Boy“, მოიპოვა სამი გრემის ჯილდო. 2014 წელს მათ გამოუშვეს მერვე ალბომი, Turn Blue, მათი პირველი ჩანაწერი, რომელმაც უმაღლეს პოზიციას მიაღწია აშშ–ის, კანადის და ავსტრალიის ჩარტებში.[6][7]
დისკოგრაფია
რედაქტირება
მთავარი სტატია: The Black Keys–ის დისკოგრაფია.- სტუდიური ალბომები
- The Big Come Up (2002)
- Thickfreakness (2003)
- Rubber Factory (2004)
- Magic Potion (2006)
- Attack & Release (2008)
- Brothers (2010)
- El Camino (2011)
- Turn Blue (2014)
- Let's Rock (2019)
- Delta Kream (2021)
- Dropout Boogie (2022)
- Ohio Players (2024)
რესურსები ინტერნეტში
რედაქტირება
სქოლიო
რედაქტირება- ↑ Johnson, Kevin C.. (April 26, 2012) The Black Keys don't change much in move to arena shows. STLtoday.com. St. Louis Post-Dispatch. ციტირების თარიღი: April 27, 2012.
- ↑ Light, Alan (December 4, 2011). „First, Hit It Big. Then Change“. The New York Times. p. AR1. ციტირების თარიღი: December 7, 2011.
- ↑ Gopalan, Nishan. (June 3, 2010) Hilarious Black Keys Drummer Patrick Carney on Not Growing a Beard, Damon Dash, and Danger Mouse. Vulture. New York Media LLC. ციტირების თარიღი: January 22, 2013.
- ↑ Abram, Malcolm X. (February 11, 2013) Black Keys artists score four Grammys. Ohio.com. Akron Beacon Journal. ციტირების თარიღი: February 11, 2013.
- ↑ [billboard.com Chart history: Alternative Songs]. Billboard.com. Prometheus Global Media. ციტირების თარიღი: February 20, 2013.
- ↑ Caulfield, Keith. (March 21, 2014) The Black Keys Earn First No. 1 Album, Michael Jackson Debuts At No. 2. Billboard.com. Prometheus Global Media. ციტირების თარიღი: March 22, 2014.
- ↑ Staff writer. (May 17, 2014) The Black Keys Score First Australian #1; Michael Jackson Settles for #3. themusic.com.au. Street Press Australia. დაარქივებულია ორიგინალიდან — მაისი 21, 2014. ციტირების თარიღი: May 21, 2014.