ანკარა (გვარი)

ანკარა (ლათ. Natrix) — გველების გვარი ანკარასებრთა ოჯახისა. ახასიათებთ გრძელი, ჩამოსხმული სხეული, მისგან გამოყოფილი თავი, რომელიც დაფარულია 9 მსხვილი, სიმეტრიულად განლაგებული ფარით. ნეკნების გასწვრივ გააჩნიათ ქერცლები. თავი მკვეთრადაა გამოყოფილი კისრისაგან, გუგები - მრგვალია. ზედა კბილები იზრდება ხახისაკენ. ცხოვრების წესით დაკავშირებულნი არიან წყალთან. იკვებებიან ქვეწარმავლებით, თევზებით, ქვემძრომებით, ამფიბიებით. მსხვერპლს ყლაპავენ ცოცხლად. კვერცხმდებლებია. აერთიანებს 3 - 5 სახეობას. მათგან საქართველოში გვხვდება - 2: წყლის ანკარა (ლათ. Natrix tessellata) და ჩვეულებრივი ანკარა (ლათ. Natrix natrix).

ანკარები
ჩვეულებრივი ანკარა (Natrix natrix)
მეცნიერული კლასიფიკაცია
სამეფო:  ცხოველები ტიპი:  ქორდიანები ქვეტიპი:  ხერხემლიანები კლასი:  ქვეწარმავლები რიგი:  ქერცლიანები ქვერიგი:  გველები ოჯახი:  ანკარასებრნი ქვეოჯახი:  Natricinae გვარი:  ანკარები
ლათინური სახელი
Natrix
სისტემატიკა ვიკისახეობებში სურათები ვიკისაწყობში ITIS   174242 NCBI   8583 EOL   35261 FW   38138

სახეობები:

• Natrix flavifrons
• Natrix maura — გველგესლასებრი ანკარა
• Natrix megalocephala — ევროპული დიდთავა ანკარა
• Natrix natrix — ჩვეულებრივი ანკარა
• Natrix tessellata — წყლის ანკარა

ლიტერატურა

• ქართული საბჭოთა ენციკლოპედია, ტ. 1, თბ., 1975. — გვ. 467.