JIMSHER

JIMSHER — პირველი ქართული ვისკი^[1], რომელიც დამზადებულია ქართველი მეღვინის, „ასკანელი ძმების“ დამფუძნებლის, ჯიმი ჩხაიძის მიერ^[1]. ვისკი დამზადებულია ტრადიციული შოტლანდიური ვისკის ტექნოლოგიებით ქართული მარცვლეულისგან^[2] და წარმოებაშია 2016 წლიდან^[3]. სასმელის ბოთლისა და ეტიკეტის დიზაინი ქართველმა დიზაინერმა ზვიად ციკოლიამ შექმნა^[2].

ქართული ვისკის, JIMSHER-ის, სამი სახეობის პროდუქცია

ახალი ქართული პროდუქტი სამი სახეობისაა:

საფერავის კასრში დავარგებული;
წინანდლის კასრში დავარგებული;
ქართული ბრენდის კასრში დავარგებული.

პირველი ქართული ვისკის ავტორი მის შესახებ ამბობს:

„საუკეთესო შოტლანდიური ტრადიციების მიხედვით დამზადებული ვისკის განმეორებითი დავარგება ხდება წინანდლის, საფერავისა და ქართული ბრენდის მუხის კასრებში, რომლებშიც მანამდე, სწორედ აღნიშნული სახეობის სასმელების დავარგება ხდებოდა. შედეგად მივიღეთ 3 სახეობის ვისკი, რომლებიც ვისკის შესახებ სრულიად ახალ ისტორიას – ქართული აქცენტებით გვიყვება^[2].“

ქართული ვისკის პირველი ექსპორტი განხორციელდა ჩინეთში^[4], შემდეგ პოლონეთში^[5], ყაზახეთში, უკრაინასა^[6] და ბალტიისპირეთის ქვეყნებში^[7].

2019 წლის 13 მარტს შევარდენის სარაგბო ბაზაზე საქართველოს რაგბის კავშირსა და პირველი ქართული ვისკის, JIMSHER–ს შორის ურთიერთთანამშრომლობის მემორანდუმი გაფორმდა^[8].

კონკურსები

2017 წელს მსოფლიოს ყველაზე პრესტიჟულ სადეგუსტაციო კონკურსზე ლონდონში World whiskey Masters სხვადასხვა ქვეყნის ათეულობით კონკურსანტს შორის ქართულმა ვისკიმ ვერცხლის მედლები მოიპოვა სხვადასხვა კატეგორიაში^[7]. World whiskey Masters-ში მონაწილეობდნენ ევროპის ქვეყნები, კანადა, სამხრეთ აფრიკა, ავსტრალია, ინდოეთი და სხვა^[7].
2017 წელს ქართული ვისკი კონკურსზე – The Global Travel Retail Spirits Masters პირველი ოქროს მედლის მფლობელი გახდა. ვისკი ბრენდის კასრში და წინანდალის კასრში ვერცხლის მედლებით დაჯილდოვდა, ხოლო საფერავის კასრში კი მთავარი ჯილდოს, ოქროს მედლის მფლობელი გახდა^[9]^[10].
2017 წელს პირველი ქართული ვისკი დიდ ბრიტანეთში გამართულ საერთაშორისო კონკურსზე „The Travel Retail Masters 2017“ ოქროსა და ვერცხლის მედლებით დაჯილდოვდა და ის მსოფლიოს საუკეთესო ალკოჰოლური სასმელების ათეულში მოხვდა^[11].
2018 წლის მარტში ქართული ვისკი „Jimsher“-ი ჯილდოს „Leader of the Year“ მფლობელი გახდა. დაჯილდოება შვეიცარიის სარეიტინგო ასოციაციიისა და ნაციონალური ბიზნეს რეიტინგების კავშირის ერთობლივი პროექტის ფარგლებში გაიმართა^[12]^[13].
2018 წელს პრესტიჟულ საერთაშორისო კონკურსზე WHISKY COMPETITION, ნომინაციაში მსოფლიოს საუკეთესო ვისკი საფერავის კასრში დავარგებული „JIMSHER“-ი მეორე ადგილის მფლობელი გახდა^[11].

სქოლიო

[marketer.ge-1] 1.0 ^1.1 როგორია პირველი ქართული ვისკი? – JIMSHER

[mediacity.ge-2] 2.0 ^2.1 ^2.2 JIMSHER - ახალი ქართული ვისკი^{[მკვდარი ბმული]}

[3] საქართველოს რაგბის კავშირმა პირველ ქართულ ვისკი JIMSHER-თან ურთიერთთანამშრომლობის მემორანდუმი გააფორმა

[4] პირველი ქართული ვისკი JIMSHER ჩინეთის ბაზარზე გავიდა. დაარქივებულია ორიგინალიდან — 2019-03-24. ციტირების თარიღი: 2019-03-24.

[5] პირველი ქართული ვისკი „JIMSHER“-ი მალე ექსპორტზე გავა

[6] ქართული ვისკი „ჯიმშერი“ სამ კვირაში უკრაინაში გაიყიდება^{[მკვდარი ბმული]}

[sputnik-georgia-7] 7.0 ^7.1 ^7.2 ქართული ვისკი JIMSHER მსოფლიო სადეგუსტაციო კონკურსზე ვერცხლით დაჯილდოვდა

[8] ქართული ვისკი JIMSHER საქართველოს რაგბის კავშირის პარტნიორი გახდა

[9] ვისკი JIMSHER პირველი ოქროს მედლის მფლობელი გახდა

[10] პირველი ქართული ვისკი Jimsher პირველი ოქროს მედლის მფლობელი გახდა

[allwine.ge-11] 11.0 ^11.1 „JIMSHER“ მსოფლიოს საუკეთესო ვისკების სამეულში მოხვდა^{[მკვდარი ბმული]}

[12] ქართული ვისკი Jimsher ჯილდოს Leader of the Year მფლობელი გახდა.

[13] პირველი ქართული ვისკი „ჯიმშერი“ შვეიცარიაში დაჯილდოვდა. დაარქივებულია ორიგინალიდან — 2019-03-24. ციტირების თარიღი: 2019-03-24.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]