Cossacks: European Wars
„Cossacks: European Wars“ (ქართ. კაზაკები: ევროპული ომები) — რეალური დროის სტრატეგიის ჟანრის ვიდეო თამაში, რომელიც შექმნა უკრაინულმა კომპანია GSC Game World-მა და გამოსცა 2001 წლის 24 აპრილს. თამაში არის იზომეტრიული ხედვით და მოქმედება მიმდინარეობს XVII-XVIII საუკუნეების ევროპაში. მასში ფიგურებს 16 ნაცია და თითოეულ მათგანს გააჩნია მისთვის დამახასიათებელი არქიტექტურული სტილი და ტექნოლოგიური შესაძლებლობები.
| Cossacks: European Wars | |
|---|---|
 თამაშის გარეკანი | |
| დეველოპერ(ებ)ი | GSC Game World |
| გამომცემელი | CDV Software Entertainment |
| სერია | „Cossacks“ |
| პლატფორმ(ებ)ი | Microsoft Windows |
| გამოსვლის თარიღი |
ევრ 30 სექტემბერი, 2000 |
| ჟანრ(ებ)ი | რეალური დროის სტრატეგია |
| რეჟიმ(ებ)ი |
ერთმოთამაშიანი, მრავალმოთამაშიანი |
თამაშში წარმოდგენილია ორი ძირითადი კონფლიქტი: ოცდაათწლიანი ომი და ომი ავსტრიული მემკვიდრეობისათვის. მოთამაშეებმა თავიდან უნდა აირიდონ შიმშილი, მონაწილეობა მიიღონ არმიის განვითარებაში, ააგონ შენობები და მოიძიონ რესურსები.[1] სულ გამოვიდა სამი დამატება, ესენია: „Cossacks: The Art of War“ (1 აპრილი, 2002), „Cossacks: Back to War“ (18 ოქტომბერი, 2002), „Cossacks: Campaign Expansion“ (1 ნოემბერი, 2002).
„კაზაკები“ არის ისეთი ტიპის თამაში, რომელიც მოთამააშეებს აძლევს საშუალებას მიიღონ სტრატეგიული გამოცდილება და შეისწავლონ იმ პერიოდის ისტორია.[2] ის კრიტიკულად და კომერციულად წარმატებული აღმოჩნდა; გადაეცა ორი ჯილდო ჟურნალ „PC Zone“-ისგან და მიიღო დადებითი შეფასებები კრიტიკოსებისგან. საერთო განხილვების საიტებზე GameRankings-სა და Metacritic-ზე ფლობს 78%[3] და 74/100.[4] 2005 წლის 15 აპრილს გამოვიდა გაგრძელება „Cossacks II: Napoleonic Wars“.
იხილეთ აგრეთვე
რედაქტირებარესურსები ინტერნეტში
რედაქტირება- თამაშის გვერდი დაარქივებული 2016-03-04 საიტზე Wayback Machine. საიტზე Руссобит-М (რუსული)
- „Cossacks European Wars“ Absolute Games-ზე
- კაზაკების შექმნის ისტორია
სქოლიო
რედაქტირება- ↑ PC Review: Cossacks: European Wars (13 აგვისტო, 2001). დაარქივებულია ორიგინალიდან — 16 დეკემბერი, 2008. ციტირების თარიღი: 1 სექტემბერი, 2008.
- ↑ IGN: Cossacks: European Wars Review. IGN Entertainment. დაარქივებულია ორიგინალიდან — 2008-12-16. ციტირების თარიღი: 31 აგვისტო, 2008.
- ↑ Cossacks: European Wars - PC. CNET Networks. დაარქივებულია ორიგინალიდან — 2018-05-06. ციტირების თარიღი: 31 აგვისტო, 2008.
- ↑ Cossacks: European Wars (pc 2001):Reviews. დაარქივებულია ორიგინალიდან — 2010-02-22. ციტირების თარიღი: 31 აგვისტო, 2008.