გოლომიანკა

გოლომიანკა (ლათ. Comephorus) — ცოცხლადმშობი თევზების გვარი ქვაქვეშიასებრთა ოჯახისა. აქვთ მოვარდისფრო შიშველი სხეული. მუცლის ფარფლი არ აქვთ. მკერდის ფარფლი ძალიან გრძელია. ცნობილია 2 სახეობა: დიდი გოლომიანკა (Comephorus baicalensis) და პატარა გოლომიანკა (Comephorus dybowskii). დიდი გოლომიანკას სხეულის სიგრძე 19 სმ აღწევს. ცხიმიანია, ჩვეულებრივ, ბინადრობს წყლის სქელ ფენებში. 800 მ-ზე უფრო ღრმად არ გვხვდება. პატარა გოლომიანკას სხეულის სიგრძე 15 სმ აღწევს. უმეტესწილად გვხვდება 250-500 მ სიღრმეზე, ღამით 50-100 მ-მდე. ზოგჯერ ჩადის 1 კმ სიღრმეზეც კი. ორივე სახეობა ცოცხლადმშობია. ბაიკალის ენდემური ფორმებია. სარეწაო მნიშვნელობა არა აქვთ.

გოლომიანკა
გოლომიანკა
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  სხივფარფლიანი თევზები რიგი:  სკორპენისნაირნი ოჯახი:  ქვაქვეშიასებრნი ქვეოჯახი:  Comephorinae (Bonaparte, 1850) გვარი:  გოლომიანკა
ლათინური სახელი
Comephorus (Lacepède, 1800)
სისტემატიკა ვიკისახეობებში სურათები ვიკისაწყობში ITIS   167400 NCBI   61640 EOL   45558

რესურსები ინტერნეტში

• გოლომიანკა — სტატია დიდი რუსული ენციკლოპედიიდან (რუსული)