ჰუსარი (ლათ. Erythrocebus) — ცხვირვიწრო მაიმუნების გვარი ანთრისებრთა ოჯახისა. მათი სხეულის სიგრძე 58-75 სმ, მასა 7,5-12,5 კგ აღწევს. აქვთ წაგრძელებული დინგი, ძლიერი ეშვები, წითურ-ყავისფერი ზურგის მხარე, ღია ყვითელი მუცელი. გავრცელებული არიან აფრიკაში ცხოვრობენ გაშლილ სავანებში და ტყის სტეპებში. აქტიური არიან დღისით. კარგად დარბიან ოთხ ფეხზე. ქმნიან ხროს, რომელიც 5-30 ინდივიდისაგან შედგება. ფრთხილი და მშიშარა ცხოველები არიან. იკვებებიან ბალახეულობით, ნაყოფით, თესლებით, მწერებით, ხვლიკებით, ფრინველებით და მათი კვერცხებით. ზოოპარკში დიდხანს ცხოვრობენ და მრავლდებიან.
