ჰანჩა
ჰანჩა (პოლ. Hańcza) — ტბა პოლონეთის ჩრდილო-აღმოსავლეთ ნაწილში, ქალაქ სუვალკიდან ჩრდილოეთით. მდებარეობს შუა ევროპის ვაკეზე, ზღვის დონიდან 227,3 მ სიმაღლეზე. ზედაპირის ფართობი 3,04 კმ², საშუალო სიღრმე 38,7 მ, მაქსიმალური სიღრმე 108,5 მ.[1] წარმოადგენს პოლონეთის უღრმეს ტბას.[2] განლაგებულია ღარტაფში, რომელიც წარმოქმნილია მყინვარული ნაკადის მიერ. ტბის ნაპირები შემოფარგლულია მაღალი და ციცაბო კალთებით. ფსკერს მნიშვნელოვანი დახრილობა აქვს. ტბის სამხრეთი ნაპირიდან გამოედინება მდინარე ნემანის მარცხენა შენაკადი მდინარე შავი განჩა. მეზოტროფული ტბაა. სანაპირო მცენარეულობას მოკლებულია. მოქცეულია სუვალკის ლანდშაფტური პარკის ტერიტორიაზე, რომლის ფარგლებშია ჰანჩის ტბის ნაკრძალი, რომელიც შეიქმნა 1963 წელს. მდიდარია თევზით. გვხვდება სიგი, ჭაპალა, ცქიმურა, გველთევზა, ქარიყლაპია, ტბის კალმახი, ალპური ქვაქვეშია და სხვა. ჰანჩა დაივინგის ადგილია.[3]
| ჰანჩა | |
|---|---|
 ტბა ჰანჩა | |
| კოორდინატები: 54°16′00″ ჩ. გ. 22°49′ ა. გ. / 54.26667° ჩ. გ. 22.817° ა. გ. | |
| მდებარეობა |  პოლონეთი
|
| სიმაღლე ზღვის დონიდან | 227,3 მ |
| სიგრძე | 4,55 კმ |
| სიგანე | 1,15 კმ |
| ფართობი | 3,04 კმ² |
| სანაპირო ზოლის სიგრძე | 11,75 კმ |
| გამომდინარე მდინარე | შავი განჩა |
  | |
 მედიაფაილები ვიკისაწყობში
| |
სქოლიო
რედაქტირება- ↑ Wojewódzki Inspektorat Ochrony Środowiska - komunikat o jakości wód jeziora Hańcza. დაარქივებულია ორიგინალიდან — 2021-08-30. ციტირების თარიღი: 2019-06-30.
- ↑ Najgłębsze jezioro - Rekord Polski
- ↑ Jezioro Hańcza // Suwalski Park Krajobrazowy