ჯონ ნეპერი

შოტლანდიელი მათემატიკოსი, ფიზიკოსი, ასტრონომი და ასტროლოგი

ჯონ ნეპერი (ინგლ. John Napier; დ. 1550 — გ. 4 აპრილი 1617) — შოტლანდიელი მათემატიკოსი, ფიზიკოსი, ასტრონომი და ასტროლოგი. არის ლოგარითმის ერთ-ერთი აღმომჩენი. პირველმა გამოაქვეყნა ლოგარითმის ცხრილები.

ჯონ ნეპერი
ინგლ. John Napier
დაბ. თარიღი 1 თებერვალი, 1550[1] [2]
დაბ. ადგილი Merchiston Tower[3]
გარდ. თარიღი 4 აპრილი, 1617(1617-04-04)[1] [2] [4] [5] [6] [7] (67 წლის)
გარდ. ადგილი ედინბურგი
დასაფლავებულია St Cuthbert's Church, Edinburgh
მოქალაქეობა  შოტლანდიის სამეფო
საქმიანობა თეოლოგი, მათემატიკოსი, ასტრონომი, ფიზიკოსი, გამომგონებელი და ასტროლოგი
ალმა-მატერი სენტ-ენდრიუს უნივერსიტეტი
მეუღლე Elizabeth Stirling და Agnes Chisholm
მამა არჩიბალდ ნეპერი[3]
დედა Janet Bothwell[8] [3]
შვილ(ებ)ი Joan Napier[8] , Archibald Napier, 1st Lord Napier[8] , William Napier of Ardinmoir[8] , John Napier[8] , Alexander Napier[8] , Adam Napier[8] , Jane Napier[8] , Elizabeth Napier[8] , Anne Napier[8] , Helen Napier[8] , Margaret Napier[8] და Robert Napier[8]

ბიოგრაფია

რედაქტირება

ადრეულ წლებში, სენტ-ენდრიუს უნივერსიტეტის დამთავრებისთანავე, სადაც 1563 წელს მოეწყო, ნეპერმა იმოგზაურა გერმანიაში, საფრანგეთში, იტალიაში, საიდანაც სამშობლოში 1571 წელს დაბრუნდა. მშობლიურ ციხე-სიმაგრეში დასახლებისა და იმავე წელს დაქორწინების შემდეგ, მას შოტლანდია აღარ დაუტოვებია.

ის მთელ თავის დროს უთმობდა საღვთისმეტყველო საგნებისა და მათემატიკის შესწავლას. მისივე სიტყვებით, წინასწარმეტყველების ინტერპრეტაცია ყოველთვის წარმოადგენდა მისი საქმიანობის მთავარ საგანს, მათემატიკა კი — მისთვის მხოლოდ დასვენების საგანი იყო.

მიუხედავად ამისა, ნეპერი ისტორიაში შევიდა როგორც შესანიშნავი გამომთვლელი ინსტრუმენტის — ლოგარითმის ცხრილების გამომგონებელი. ამ აღმოჩენამ უდიდესი შვება მოჰგვარა გამომთვლელებს.