ჯეიმზ გრინვუდი
ჯეიმზ გრინვუდი (ინგლ. James Greenwood; დ. 1833 — გ. 11 აგვისტო, 1927 ან 1929) — ბრიტანელი მწერალი და ჟურნალისტი.
| ჯეიმზ გრინვუდი | |
|---|---|
_(cropped_-_portrait).jpg) | |
| დაბადების თარიღი | არაუადრეს 1830 და არაუგვიანეს 1835 |
| დაბადების ადგილი | ლონდონი |
| გარდაცვალების თარიღი | 11 აგვისტო, 1927[1] [2] [3] [4] |
| გარდაცვალების ადგილი | კეტფორდი[3] |
| ფსევდონიმი | Amateur Casual[3] და One of the Crowd[3] |
| საქმიანობა | ჟურნალისტი და მწერალი |
| ენა | ინგლისური ენა |
| მოქალაქეობა |
.svg){kind=small} გაერთიანებული სამეფო დიდი ბრიტანეთის და ირლანდიის გაერთიანებული სამეფო |
| ხელმოწერა |
_(cropped_-_signature).jpg){kind=small} |
ბიოგრაფია
რედაქტირებადაიბადა 1833 წელს. ჰყავდა 11 და-ძმა. სამმა ძმამ – ფრედერიკმა, ჯეიმზმა და უოლტერმა – დამოუკიდებელი ცხოვრება დაიწყეს გამომცემლობაში. რამდენიმე წლის შემდეგ ფრედერიკი და ჯეიმზი გაზეთებში მუშაობდნენ, ხოლო უოლტერი, ტუბერკულოზით დაავადებული, გარდაიცვალა.
ფრედერიკმა დააგროვა დიდი თანხა და საკუთარი გაზეთი დააარსა. ჯეიმზმა ჟურნალისტის და ლიტერატორის კარიერა აირჩია და წერდა სხვადასხვა სოციალურ პრობლემაზე. მუშაობდა გაზეთებში Pall Mall Gazette და Daily Telegraph. XIX საუკუნის 60-იან და 70-იან წლებში სახელი გაითქვა ლონდონის ღამის სათევი დაწესებულებების შესახებ სტატიების მთელი სერიით. ასეთი კვლევისთვის მან ღარიბულად ჩაიცვა და ცხოვრობდა უსახლკაროებთან ერთად. მიუხედავად იმისა, რომ მისი რეპორტაჟების გულახდილი ტონი რედაქტორმა მკვეთრად შეარბილა, გაზეთის ტირაჟი ორჯერ გაიზარდა. გრინვუდის ნაშრომი სხვა გაზეთმაც გადაბეჭდა და წერდა, რომ „გრინვუდის მიერ აღწერილი სურათი მით უფრო საზარელია, რომ მან ასეთ სახლში მხოლოდ ერთი ღამი გაატარა, ჩვენი ათასობით თანამემამულე კი იძულებულია ასე მთელი ცხოვრება გაატაროს“.
გრინვუდი, ამასთან, წერდა მხატვრულ ნაშრომებსაც. XIX საუკუნის 50-იანი წლებიდან XX საუკუნის დასაწყისამდე მან 40-მდე წიგნი გამოსცა. XIX საუკუნის 60-იან და 70-იან წლებში წარმატებული იყო რუსეთში, სადაც მისი რომანები, მოთხრობები და სხვა ნაშრომები იბეჭდებოდა გაზეთებსა და ჟურნალებში და გამოდიოდა ცალკე გამოცემების სახით.
70-იანი წლებიდან ჯეიმზი სულ უფრო იშვიათად იბეჭდებოდა, საბოლოოდ კი გაქრა პრესის ფურცლებიდან. გარდაიცვალა 1929 წელს, ვერ მიაღწია რა 97 წლის ასაკამდე.
მწერლის ყველაზე ცნობილი ნაწარმოებია „პატარა დაძონძილი მათხოვრის ნამდვილი ამბავი“ (The True History of a Little Ragamuffin, 1866).
სქოლიო
რედაქტირება- ↑ James Greenwood
- ↑ 3.0 3.1 3.2 3.3 Oxford Dictionary of National Biography / C. Matthew — Oxford: OUP, 2004.
- ↑ ПроДетЛит — 2019.