ჯარისკაცის მამა — მხატვრული ფილმი გადაღებული სტუდიაში "ქართული ფილმი" 1964 წელს რეჟისორ რეზო ჩხეიძის მიერ სულიკო ჟღენტის სცენარით. მთავარ როლში - სერგო ზაქარიაძე.

ჯარისკაცის მამა

ფილმის პლაკატი
ჟანრი ისტორიული დრამა
რეჟისორი რეზო ჩხეიძე
სცენარის ავტორი სულიკო ჟღენტი
როლებში სერგო ზაქარიაძე, ალექსეი ნაზაროვი, ქეთევან ბოჭორიშვილი, გია კობახიძე, გერონტი დათუნაშვილი
სტუდია ქართული ფილმი
გამოსვლის თარიღი 1964
ხანგრძლივობა 92 წუთი
ქვეყანა სსსრ (სსრკ)
ენა ქართული, რუსული

სიუჟეტირედაქტირება

კახელი გლეხი გიორგი მახარაშვილი დაჭრილი შვილის მოსანახულებლად ფრონტზე გაემგზავრება, როდესაც ადგილზე ჩააღწევს, შვილი ჰოსპიტალში აღარ დახვდება – გამოჯანმრთელებული გოდერძი თავის ნაწილში დაბრუნებულა.გიორგი შვილის კვალს გაყვება და ფრონტის წინა ხაზზე აღმოჩნდება. ჯარისკაცის მამა სამხედრო ხელმძღვანელობას დაარწმუნებს, რომ ახალგაზრდებს არ ჩამოუვარდება. ნაწილში დარჩენას მოითხოვს და ბრძოლით გერმანიის საზღვრამდე მივა. ომის მიწურულს გიორგი შვილს იპოვის, მაგრამ მძიმე ბრძოლაში გოდერძი მამის თვალწინ დაიღუპება.

პრიზებირედაქტირება

  • პრიზი "კაპიტოლიუმის იუპიტერი"; რომის საერთაშორისო კინოფესტივალი, იტალია (1966).[1]

სქოლიორედაქტირება