ხეპილპილა

ხეპილპილა, წკეპლა ცხარე (ლათ. Vitex agnus-castus) — ფოთოლმცვივანი ბუჩქი ან ტანდაბალი ხე, ცოცხანასებრთა ოჯახისა. საგველად შეკრებილი, სურნელოვანი, წვრილი ცისფერი ყვავილები აქვს.

ხეპილპილა
მეცნიერული კლასიფიკაცია
სამეფო:  მცენარეები ოჯახი:  ცოცხანასებრნი
ლათინური სახელი
Vitex agnus-castus
დაცვის სტატუსი
არასრული მონაცემები IUCN Data Deficient : 203350
სისტემატიკა ვიკისახეობებში სურათები ვიკისაწყობში ITIS   32221 NCBI   54477 EOL   579727 IPNI   865568-1 TPL   kew-213297

გავრცელებულია სამხრეთ ევროპაში, აზიაში, ყირიმსა და დასავლეთ ამიერკავკასიაში. სინათლისა და სითბოს მოყვარულია; გვიანი და ხანგრძლივი ყვავილობა ახასიეთებს. მის მოქნილ ტოტებს კალატების მოსაწნავად იყენებენ. ხალხში ზოგჯერ აბრამის ხესაც უწოდებენ.

დეკორაციული მცენარეა. წკეპლა ცხარე საქართველოში ველურად გავრცელებულია შავი ზღვის სანაპიროებზე. მას თავისებური სიცხარე და სურნელება აქვს, მას სანელებლადაც იყენებენ.

ლიტერატურა

• კეცხოველი ნ. კულტურულ მცენარეთა ზონები საქართველოში, თბ., 1957, გვ., 327

• ნ. ბაშინჯაყელი, ქართული საბჭოთა ენციკლოპედია, ტ. 11, თბ., 1987. — გვ. 470.