თვალშავი

(გადამისამართდა გვერდიდან ძელქორი)

თვალშავი, ჩვეულებრივი თვალშავი ან ძელქორი[1] (ლათ. Falco vespertinus) — მტაცებელი ფრინველი შავარდნისნაირთა რიგისა.[2] სხეულის სიგრძე 30 სმ აღწევს. მამალი ლეგა-შავია, წითელფეხებიანი; დედალს წითური მუცელი და ლეგა ზურგი აქვს, განივი მუქი ზოლებით. თვალშავი გავრცელებულია ევროპასა და აზიაში, ციმბირში მდინარე ლენამდე, ზამთრობს სამხრეთ აფრიკაში. საქართველოში გვხვდება მიმოფრენისას, გაზაფხულზე (აპრილში) და შემოდგომაზე (აგვისტო-სექტემბერში). ბუდობს ხეებზე სხვა ფრინველების ბუდეში. იკვებება მწერებითა და წვრილი მღრღნელებით, რითაც დიდი სარგებლობა მოაქვს. უწინ თვალშავი ეწოდებოდა ფრინველთა გვარს, რომელშიც ორი სახეობა იყო გაერთიანებული: თვალშავი (ლათ. Erythropus vespertinus) და ამურის თვალშავი (ლათ. Erythropus amurensis), რომელიც გავრცელებულია სამხრეთ-აღმოსავლეთ ციმბირსა და შორეულ აღმოსავლეთში.

თვალშავი

მამალი (მარცხნივ) და დედალი (მარჯვნივ)
მეცნიერული კლასიფიკაცია
ლათინური სახელი
Falco vespertinus (Linnaeus, 1766)
დაცვის სტატუსი
საფრთხესთან ახლოს მყოფი
საფრთხესთან ახლოს მყოფი
IUCN 3.1 Near Threatened : 22696432
არეალი

  ბუდობის არეალი
  ზამთრის მიგრაცია

ლიტერატურა რედაქტირება

სქოლიო რედაქტირება