ცხრაწყარო (თრიალეთის ქედი)

ცხრაწყარო — მთა საქართველოში, სამცხე-ჯავახეთის მხარეში, ბორჯომის მუნიციპალიტეტში. მდებარეობს თრიალეთის ქედის დასავლეთ ნაწილში, მდინარე ბაკურიანისწყლის (გუჯარეთისწყლის მარცხენა შენაკადი) სათავეში. სიმაღლე ზღვის დონიდან 2683 მ. აგებულია ზედაპლიოცენური ანდეზიტ-ბაზალტებითა და დაციტებით. მთის ჩრდილოეთი და დასავლეთი კალთები ფლატოვანია, სამხრეთი — დამრეცი. კალთები შემოსილია სუბალპური, ზედა — ალპური მდელოს ბალახეულით.

ცხრაწყარო
ცხრაწყარო, ხედი ბაკურიანიდან
კოორდინატები: 41°41′38″ ჩ. გ. 43°31′29″ ა. გ.
ქვეყანა	საქართველო
ტერიტორიული ერთეული	ბორჯომის მუნიციპალიტეტი
სიმაღლე	2683 მ
ქედი	თრიალეთის ქედი
ამგებელი ქანები	ანდეზიტ-ბაზალტი და დაციტი
სურათები ვიკისაწყობში

ლიტერატურა

• ნემანიშვილი ს., ქართული საბჭოთა ენციკლოპედია, ტ. 11, თბ., 1987. — გვ. 259.