ჩრდილოეთის პროვინცია (ზამბია)
ჩრდილოეთის პროვინცია (ინგლ. Northern Province) — ზამბიის 10 პროვინციიდან ერთ-ერთი. ადმინისტრაციული ცენტრი — ქალაქი კასამა. 2011 წლის ნოემბერში 4 რაიონი (ჩინსალი, ისოკა, მპიკა და ნაკონდე) გადავიდა ახლადჩამოყალიბებული მუჩინგის პროვინციის შემადგენლობაში.
| პროვინცია | |
|---|---|
|
ჩრდილოეთის პროვინცია ინგლ. Northern Province | |
 | |
| ქვეყანა |
 ზამბია |
| ადმ. ცენტრი | კასამა |
| კოორდინატები | 11°00′00″ ს. გ. 31°00′00″ ა. გ. / 11.00000° ს. გ. 31.00000° ა. გ. |
| ფართობი | 77 650 კმ² |
| მოსახლეობა | 1 105 824 კაცი (2010) |
| სიმჭიდროვე | 14,24 კაცი/კმ² |
| სასაათო სარტყელი | [[UTCUTC+2]] |
 | |
გეოგრაფია
რედაქტირებაპროვინციის ფართობი შეადგენს 77 650 კმ²-ს. ესაზღვრება ლუაპულის პროვინციას (დასავლეთით) და მუჩინგის პროვინციას (აღმოსავლეთით), ასევე სახელმწიფოებს — კონგოს დემოკრატიულ რესპუბლიკას (ჩრდილოეთით) და ტანზანიას (ჩრდილო-აღმოსავლეთით).
პროვინციის ტერიტორიაზე მდებარეობს 3 დიდი ტბა: ბანგვეულუ და მასთან ახლომდებარე ჭაობები, მვერუ-ვანტიპა და უდიდესი ტანგანიიკის ტბა (ჩრდილოეთით), რომელიც შეადგენს კონგოს დემოკრატიულ რესპუბლიკასთან და ტანზანიასთან ზამბიის საზღვრის ნაწილს
მოსახლეობა
რედაქტირება2010 წლის მონაცემებით პროვინციის მოსახლეობის რაოდენობა შეადგენს 1 105 824 ადამიანს[1]. მოსახლეობის ზრდა (4,3 %) — ყველაზე მაღალია ქვეყანაში. ჩრდილოეთის პროვინციის მოსახლეობის თითქმის 13 % ცხოვრობს მის ადმინისტრაციულ ცენტრ — ქალაქ კასამაში. მოსახლეობის დიდი ნაწილი სოფლებში ცხოვრობს. პროვინციაში ყველაზე უფრო გავრცელებული ენაა — ბემბა.
ადმინისტრაციული დაყოფა
რედაქტირება
ადმინისტრაციული თვალსაზრისით ჩრდილოეთის პროვინცია დაყოფილია 12 რაიონად.[2]
ეკონომიკა
რედაქტირებაპროვინციის კომუნიკაციების ინფრასტრუქტურა საკმაოდ ღარიბია. ავტოსაგზაო ქსელი იმყოფება ცუდ მდგომარეობაში.
