ჩითახევი (მთა)

ჩითახევი, ჭითახევი — მთა საქართველოში, სამცხე-ჯავახეთის მხარეში, ბორჯომის მუნიციპალიტეტში. მდებარეობს მესხეთის ქედის უკიდურეს აღმოსავლეთ ნაწილში, მდინარეების ქვაბისხევის, ლიკანისხევისა და ჩითახევის (მტკვრის აუზი) წყალგამყოფზე. სიმაღლე ზღვის დონიდან 1446 მ. აგებულია პალეოცენური და ქვედაეოცენური მერგელებით, კირქვიანი ქვიშაქვებით, თიხებით, ტუფებით. იგი კონუსური ფორმისაა. მთაზე და მის შემოგარენში ფიჭვისა და მუხის შერეული ტყეა.

ჩითახევი
ქვეყანა	საქართველო
ტერიტორიული ერთეული	ბორჯომის მუნიციპალიტეტი
სიმაღლე	1446 მ
ქედი	მესხეთის ქედი
ამგებელი ქანები	მერგელი, კირქვიანი ქვიშაქვა, თიხა, ტუფი

ლიტერატურა

• ნემანიშვილი ს., ქართული საბჭოთა ენციკლოპედია, ტ. 11, თბ., 1987. — გვ. 117.