ჩანახიცხვრის ხორცისა და ბოსტნეული კულტურებისაგან დამზადებული ქართული კერძი.[1][2][3][4][5]

ჩანახი

მასალარედაქტირება

მომზადებარედაქტირება

ცხვრის დუმა დავჭრათ წვრილად და მოვშუშოთ. ამავე ქონში ცალ-ცალკე შევწვათ მთელ-მთელი (თავმოჭრილი) ბადრიჯანი; ოთხად, სიგრძივ გაჭრილი კარტოფილი და მთელ-მთელი მწიფე პომიდორი.

მოშუშული დუმის ნარჩენებში ავურიოთ წვრილად დაჭრილი ნიორი, ქინძი, ოხრახუში, ნიახური, რეჰანი, წიწაკა, დანაყილი ხმელი ქინძის თესლი. აღნიშნული გულსართი ფრთხილად ჩავდოთ ბადრიჯანში და პომიდორში, ისე რომ არ დავარღვიოთ მთლიანობა.

ცალკე შევწვათ დაჭრილი ცხვრის ხორცი, ჩავალაგოთ ქვაბში ფენა-ფენად, ჯერ ბადრიჯანი, შემდეგ ხორცი, დაჭრილი ხახვი, კარტოფილი, პომიდორი, ხორცი, ბადრიჯანი, კარტოფილი, ხორცი და ზევიდან პომიდორი. დავასხათ გულსართისა და ცხიმის ნარჩენები და 15-20 წუთი ვშუშოთ.

და რა თქმა უნდა უმარილო საჭმელი რომ არ გამოგვივიდეს შეწვისას ყველაფერს ცოტა-ცოტა მარილი მოვაყაროთ, რა თქმა უნდა გემოვნების და თვალზომის მიხედვით.

ჩანახი სასურველია მომზადეს თიხის ჭურჭელში, თუ არ გვაქვს უდრო დიდი გულით და ბარაქიანი ხელით გავაკეთოთ, რომ გემოთი არანაკლები გამოგვივიდეს.

სქოლიორედაქტირება

  1. David A. Bender, A Dictionary of Food and Nutrition, Chanakhi
  2. Tim Burford, Georgia, p. 74
  3. Darra Goldstein, The Georgian Feast: The Vibrant Culture and Savory Food of Georgia, p. 86
  4. Robin Liston, Travels with My Heart: The Essential Guide for Travellers with Heart Conditions, p. 71
  5. V.V. Pokhlebkin, National Cuisines of the Peoples of the Soviet Union, Chanakhi დაარქივებული 2019-10-27 საიტზე Wayback Machine. , Tsentrpoligraf Publ. House, 1978; English edition: V.V. Pokhlebkin, Russian Delight: A Cookbook of the Soviet People, London: Pan Books, 1978