შალიკაშვილის ხიდი
შალიკაშვილის ხიდი (ყოფილი დიდუბის ხიდი) — ხიდი თბილისში, მტკვარზე, გრიგოლ რობაქიძისა და აკაკი წერეთლის გამზირებს შორის (1953, არქიტექტორები არჩილ ქურდიანი, კარლო გალდავა–ოთარაშვილი; ინჟინერი ვ. დიდიძე).
_Tbilisi,_Georgia_%D8%B1%D9%88%D8%AF%D8%AE%D8%A7%D9%86%D9%87_%D9%85%D8%AA%DA%A9%D9%88%D8%A7%D8%B1%DB%8C_%DB%8C%D8%A7_%DA%A9%D9%88%D8%B1%D8%A7_%D8%AF%D8%B1_%D8%B4%D9%87%D8%B1_%D8%AA%D9%81%D9%84%DB%8C%D8%B3_%DA%AF%D8%B1%D8%AC%D8%B3%D8%AA%D8%A7%D9%86_05.jpg)
აგებულია ძველი ბორნის მოძრაობის ხაზზე. ორმალიანი რკინაბეტონის ხიდის დიდი თაღოვანი მალი (72 მ) გადადის მტკვრის კალაპოტზე. პატარა მალის (19,1 მ) ქვეშ გადის სანაპირო. ხიდის სიგრძეა 152 მ, სავალი ნაწილის სიგანე-20,5 მ, ტროტუარები - 3 მ. მოპირკეთებულია ბოლნისის ოქროსფერი ტუფით და რუხი გრანიტით. არქიტექტორი დეკორში გამოყენებულია ძველი ქართული ხუროთმოძღვრების ორნამენტიკა და საბჭოთა სიმბოლიკა (რომელიც ამჟამად მოხსნილია). 1990-იანი წლებიდან ხიდს ჰქვია მისი მშენებლობის ხელმძღვანელის, ინჟინერი შოთა შალიკაშვილის სახელი.
ლიტერატურა
რედაქტირება- ენციკლოპედია „თბილისი“, თბ., 2002. — გვ. 917-918, ISBN 99928-20-32-2.
- სარალიძე, ა., „თბილისის ხიდები“, გვ. 21, „ტფილისის ჰამქარი“, თბილისი, 2012