ყარაქოლი
ყარაქოლი (ტაჯ. Қарокул) — გაუდინარი ტბა ტაჯიკეთში, პამირის ჩრდილო ნაწილში. მოქცეულია ბრტყელ მთიან ქვაბულში, ზღვის დონიდან 3914 მ სიმაღლეზე. ზედაპირის ფართობი 380 კმ². მაქსიმალური სიგრძე 33 კმ, სიგანე 24 კმ. სიღრმე დასავლეთ ნაწილში 238 მ, აღმოსავლეთში — 22,5 მ.[1] შედგება ორი ნაწილისაგან, რომლებიც ერთმანეთთან ორი ვიწრო სრუტითაა დაკავშირებული. ტბის ქვაბული გაჩნდა მეტეორიტული შეჯახების შედეგად დაახლოებით 25 მლნ. წლის წინ.[2] წყალი მწარე-მლაშეა, გამჭვირვალობა 9 მ-მდე. ტბის ზედაპირი ღია ლურჯი ფერისაა. ნოემბრის ბოლოდან აპრილამდე ყინულით არის დაფარული. წყლის ტემპერატურა ზაფხულში 12°C-მდე. ყარაქოლს ერთვის პატარა მდინარეები, რომელთაგან მნიშვნელოვანია ყარაჯილღა და მუზქოლი.[3] ტბა მოქცეულია ტაჯიკეთის ეროვნული პარკის ტერიტორიაზე.
| ყარაქოლი | |
|---|---|
 ყარაქოლის სატელიტური გამოსახულება | |
| კოორდინატები: 39°01′ ჩ. გ. 73°27′ ა. გ. / 39.017° ჩ. გ. 73.450° ა. გ. | |
| მდებარეობა |  ტაჯიკეთი
|
| სიმაღლე ზღვის დონიდან | 3914 მ |
| სიგრძე | 33 კმ |
| სიგანე | 23 კმ |
| ფართობი | 380 კმ² |
| მაქსიმალური სიღრმე | 236 მ |
| გამჭვირვალობა | 9 მ |
  | |
სქოლიო
რედაქტირება- ↑ Таджикистан (Природа и природные ресурсы) Душанбе, Дониш, 1982, стр. 260
- ↑ Kara-Kul Structure, Tajikistan
- ↑ Каракуль | Большая российская энциклопедия. დაარქივებულია ორიგინალიდან — 2020-10-30. ციტირების თარიღი: 2020-06-05.