ღორების ყურე
ღორების ყურე (ესპ. Bahía de Cochinos) — ყურე კუბის სამხრეთ სანაპიროზე, კარიბის ზღვაში.
1910 წლიდან მიეკუთვნება სანტა-კლარას პროვინციას, ხოლო 1976 წლიდან მატანსასის პროვინციის შემადგენლობაშია. ქმნის საპატის ნახევარკუნძულის აღმოსავლეთ განაპირა მხარეს. ხაგუეი-გრანდედან სამხრეთით მდებარეობს 30 კილომეტრში, სიენფუეგოსიდან დასავლეთით 70 კილომეტრში, ჰავანიდან სამხრეთ-აღმოსავლეთით 150 კილომეტრში. ყურის დასავლეთ ნაწილში არის მარჯნის რიფები, რომელიც ესაზღვრება საპატის ჭაობებს. აღმოსავლეთ ნაწილში წარმოდგენილია მანგროვიანები და ჭაობების მძლავრი მასივები.
ღორების ყურის ჩრდილოეთ ნაწილში მდებარეობს სოფელი ბუენა-ვენტურა. ყურის ესპანური სახელწოდება Bahía de Cochinos უკავშირდება არა ღორებს, არამედ (სავარაუდოდ) თევზის სახეობას — Orangeside triggerfish (ლათ. Balistes vetula, ესპ. Cochino).[1][2]
1961 წელს აშშ-ის ცენტრალური სადაზვერვო სააგენტოს დაფინანსებით საგანგებოდ გაწვრთნილ კუბელ ემიგრანტთა ჯგუფი ღორების ყურის გავლით გადასხდა კუნძულზე, რათა მოეხდინათ ახლად არჩეული პრემიერ-მინისტრის ფიდელ კასტროს გადაყენება.
ლიტერატურა
რედაქტირება- Rodriguez, Juan Carlos. 1999. Bay of Pigs and the CIA. Ocean Press. Melbourne. ISBN 1875284982
- Wyden, Peter. 1979. Bay of Pigs - The Untold Story. Simon and Schuster. New York. ISBN 0671240064 ISBN 0224017543 ISBN 978-0671240066
სქოლიო
რედაქტირება- ↑ Cochino — თევზები, რომლებიც ბინადრობენ ატლანტის ოკეანეში. დაარქივებულია ორიგინალიდან — 2008-09-19. ციტირების თარიღი: 2011-12-06.
- ↑ საბანა-კამაგუეის არქიპელაგი. დაარქივებულია ორიგინალიდან — 2019-12-21. ციტირების თარიღი: 2011-12-06.