ფსიოლი
ფსიოლი[1] (რუს. Псёл, Псиол, Песл, Песел, უკრ. Псел, Псьол, Псло) — მდინარე რუსეთსა და უკრაინაში; დნეპრის მარცხენა შენაკადი. სიგრძე 717 კმ, აუზის ფართობი 22,8 ათასი კმ². სათავეს იღებს შუა რუსეთის მაღლობზე, უმთავრესად მიედინება ბორცვებიან ვაკეზე, ქვემო წელი დნეპრისპირეთის მაღლობზეა, ჩაედინება კამენსკოეს წყალსაცავში. ჭალა ფართოა. უპირატესად იკვებება თოვლის წყლით. გაზაფხულის წყალდიდობებზე (მარტი — მაისი) მოდის წლიური ჩამონადენის 70%, წყალმცირობა იცის ზაფხულ-შემოდგომაზე. საშუალო მრავალწლიური ხარჯი ხუტორ ზაფსელიესთან 48,2 მ³/წმ-ია. იყინება დეკემბერში, ლღვება თებერვლის ბოლოს – აპრილის დასაწყისში. ძირითადი შენაკადია ხოროლი (მარჯვენა). მდინარეზეა ქალაქები (დინების მიმართულებით): ობოიანი (რუსეთი), სუმი, გადიაჩი (უკრაინა).[2]
| ფსიოლი რუს. Псёл, უკრ. Псел | |
|---|---|
 | |
| ქვეყანა |
 რუსეთი უკრაინა |
| ტერიტორიული ერთეულები |
სუმის ოლქი, პოლტავის ოლქი |
| ქალაქები | ობოიანი, სუმი, გადიაჩი |
| სათავე | 51°07′58″ ჩ. გ. 36°44′52″ ა. გ. / 51.13278° ჩ. გ. 36.74778° ა. გ. |
| შესართავი |
კამენსკოეს წყალსაცავი 49°01′16″ ჩ. გ. 33°32′03″ ა. გ. / 49.02111° ჩ. გ. 33.53417° ა. გ. |
| სიგრძე | 717 კმ |
| აუზის ფართობი | 22,8 ათ. კმ² |
| მდინარის სისტემა | კამენსკოეს წყალსაცავი → დნეპრი → შავი ზღვა |
| წყლის ხარჯი (საშ.) | 48,2 მ³/წმ |
    — სათავე,  — შესართავი | |
 ფსიოლი ვიკისაწყობში | |
სქოლიო
რედაქტირება- ↑ ელერდაშვილი ა., ფსიოლი // უნივერსალური ენციკლოპედიური ლექსიკონი : [3 ტომად], 1-ლი გამოცემა, თბ.: „ფანტაზია“, 2006.
- ↑ ПСЁЛ // Большая российская энциклопедия. т. 27. — М., 2015. — стр. 679.