ფსეფიტი

ფსეფიტი (ბერძ. psēphos – რიყის ქვა) — დანალექი ქანები, რომლებიც შედგება არანაკლებ 1 მმ ზომის ნატეხებისაგან. ფსეფიტების ამგები ნატეხები შეიძლება იყოს დამრგვავებული (კაჭარი, რიყის ქვა, ხრეში) და დაუმრგვალებელი (ლოდი, ღორღი). განასხვავებენ ფხვიერ (მაგ., რიყნარი) და შეცემენტებულ (კონგლომერატი, ბრექჩია) ფსეფიტებს. ფსეფიტი გამოიყენება საშენ მასალად.

ლიტერატურა

• ქართული საბჭოთა ენციკლოპედია, ტ. 10, თბ., 1986. — გვ. 409.