ურ-ნამუ
ურ-ნამუ — შუმერის და აქადის მეფე ურის მესამე დინასტიიდან. მეფობდა დაახ. ძვ. წ. 2112 - ძვ. წ. 2094 წლებში.
დააარსა ურის მესამე დინასტია, ცნობილია, რომ იგი იყო ურის არისტოკრატიული ოჯახიდან. თავდაპირველად იგი იყო ურუქის მეფის უტუხენგალის ნაცვალი ურში, მაგრამ ამ უკანასკნელის დაღუპვის შემდეგ გახდა სამხრეთ მესოპოტამიის მეფე. მან დაიპყრო ლაგაში და გააერთიანა სამხრეთ მესოპოტამია. ურ-ნამუმ განაახლა საირიგაციო არხები. მის შემდეგ გამეფდა მისი ვაჟი შულგი.