ტუნდრის გნოლი[1] (ლათ. Lagopus muta) — ფრინველი ხოხბისებრთა ოჯახისა. მისი სხეულის სიგრძეა 34–39 სმ, მასა 250–600 გრამი, ფრთების შლილი 50–60 სმ, მამალი დედალზე დიდია. ზამთრის შეფერილობა თეთრია, შავი კუდის გამოკლებით; მამალს აგრეთვე აქვს შავი „ლაგამი“ თვალიდან ნისკარტისკენ და წითელი კანის „წარბები“. ზაფხულში ჭარბობს რუხი ტონები, თუმცა ფეხის ბრჭყალებამდე შებუმბლული ზრდასრულების მუცელი და ფრთები თეთრი რჩება. გავრცელებულია პოლარულ რეგიონებში. ბინადრობს ევრაზიისა და ჩრდილოეთ ამერიკის ზონალური ტუნდრის მშრალ ამაღლებულ მონაკვეთებზე და მთის ტუნდრაში. ზამთარში იცის ვერტიკალურად მომთაბარეობა და შედის მდინარეთა ხეობებში. უპირატესად იკვებება მცენარეულობით. ზამთარში საკვებს მოიპოვებს თოვლის გაქექვით (დიდთოვლიანი ზამთრები ტუნდრის გნოლისათვის დამღუპველია). ბუდობს ქვიან ადგილებში, მშრალ ბუჩქნარიან მონაკვეთებზე. ბუდე რაიმე საფარის ქვეშ გაკეთებული ორმოა. გაზაფხულზე მამალი ტიხტიხებს შემაღლებულ ადგილებზე, გამოსცემს რაკა-რუკის ხმებს, ასრულებს სპეციალურ ფრენებს. მამალი იცავს საბუდარ მონაკვეთს, ზოგჯერ წიწილებსაც უძღვება (ჩვეულებრივ 6–8 ცალი). სპორტული და სარეწაო ნადირობის ობიექტია.[2]

ტუნდრის გნოლი
Alpenschneehuhn, Lagopus muta 5 (cropped).JPG
მეცნიერული კლასიფიკაცია
სამეფო:  ცხოველები
ტიპი:  ქორდიანები
კლასი:  ფრინველები
რიგი:  ქათმისნაირნი
ოჯახი:  ხოხბისებრნი
გვარი:  თეთრი გნოლი
სახეობა:  ტუნდრის გნოლი
ლათინური სახელი
Lagopus muta (Montin, 1776)
დაცვის სტატუსი
Status iucn3.1 LC ka.svgსაჭიროებს ზრუნვას
ყველაზე ნაკლები საფრთხის ქვეშ
IUCN 3.1 Least Concern : 22679464

სქოლიორედაქტირება

  1. ptarmigan — ინგლისურ-ქართული ბიოლოგიური ლექსიკონი.
  2. Коблик Е. А. Тундряная куропатка // Большая российская энциклопедия. т. 32. — М., 2016. — стр. 501.