ტინა ტერნერი

ტინა ტერნერი
ტინა ტერნერი
	;
ბიოგრაფია
ნამდვილი სახელი	ანა მეი ბულოკი
აგრეთვე ცნობილი როგორც	როკის დედოფალი
დაბ. თარიღი	26 ნოემბერი, 1939
დაბ. ადგილი	Brownsville, ტენესი, აშშ
წარმოშობა	ბრაუნსვილი, ტენესი, აშშ
გარდ. თარიღი	24 მაისი, 2023 (83 წლის)
გარდ. ადგილი	კიუსნახტი, ციურიხის კანტონი, შვეიცარია
ეროვნება	აფრო-ამერიკელები
ჟანრ(ებ)ი	როკი; რიტმ-ენდ-ბლუზი; სოული; პოპი;
საქმიანობა	მომღერალი, სიმღერების ავტორი, მოცეკვავე, მსახიობი
ინსტრუმენტ(ებ)ი	ვოკალი
აქტიური	1957–2009; 2020
ლეიბლ(ებ)ი	Sonja; Pompeii; United Artists; Capitol; Parlophone; Virgin;
ხელმოწერა
საიტი	tinaturnerofficial.com
	ტინა ტერნერი ვიკისაწყობში

ტინა ტერნერი (ინგლ. Tina Turner; ნამდვილი სახელი, ანა მეი ბულოკი, დ. 26 ნოემბერი, 1939 — გ. 24 მაისი, 2023, კიუსნახტი, ციურიხი, შვეიცარია) — ამერიკელი მომღერალი, ავტორი, მოცეკვავე, ქორეოგრაფი და მსახიობი, რომლის კარიერა 60 წელიწადზე მეტ ხანს მოიცავს. თავისი მოღვაწეობის მანძილზე არაერთხელ იქნა წოდებული „როკ-ენ-როლის დედოფლად“.

ბიოგრაფია

ტინას მუსიკალური კარიერა დაიწყო აიკ ტერნერთან, მის მეუღლესთან ერთად. წარმატება დუეტს მოუტანა სინგლმა „Proud Mary“. მეუღლესთან პრობლემების და მასთან გაყრის შემდეგ ტინამ გამოსცა ავტობიოგრაფიული წიგნი „მე, ტინა“ (1977). სოლო-კარიერის დაწყებით მან განიმტკიცა სახელი მუსიკალურ სამყაროში, რასაც ხაზი გაესვა წარმატებული დისკით Private Dancer (1984).

მუსიკალურ კარიერასთან ერთად ტინამ მონაწილეობა მიიღო სხვადასხვა ფილმშიც. აღსანიშნავია მისი მონაწილეობა როკ-ოპერაში „ტომი“ და მიუზიკლში „სერჟანტ პეპერის მარტოსული გულების კლუბის ბენდი“. მაგრამ მის ყველაზე წარმატებულ კინოროლად ითვლება პერსონაჟი ფილმიდან შეშლილი მაქსი. ამ ფილმისათვის მის მიერ დაწერილი სიმღერა „We Don't Need Another Hero“ ასევე დიდი წარმატებით სარგებლობდა.

როგორც მსოფლიოს შოუ-ბიზნესის ერთ-ერთი ცნობილი ადამიანი, ტინა ჟურნალ „როლინგ სტოუნის“ მიერ დასახელებულია ყველა დროის ყველაზე წარმატებულ როკ-მომღერალ ქალბატონად და ყველა დროის ერთ-ერთ უდიდეს მომღერლად. მისი დისკების გაყიდული ასლების რაოდენობა 200 მილიონს შეადგენს. სტატისტიკით, მან გაყიდა ბევრად მეტი საკონცერტო ბილეთი, ვიდრე სხვა სოლო-შემსრულებელმა მუსიკის ისტორიაში. ტინას კონცერტები გამორჩეულია სცენაზე ენერგიული მოძრაობებით, მძლავრი ვოკალური ჟღერადობით და ა.შ. 2008-2009 წლებში ტერნერმა მოაწყო საიუბილეო ტურნე, რომელიც აღნიშნავდა მის 50 წლიან მუსიკალურ კარიერას. თავისი დროისთვის ეს ტური იქცა ყველაზე გაყიდვად საკონცერტო მოვლენად.