ტიგის კუნძულის ეროვნული პარკი
ტიგის კუნძულის ეროვნული პარკი — ეროვნული პარკი მალაიზიაში, საბაჰის შტატში, ქალაქ კუალა-პენიუს ჩრდილოეთით. შეიქმნა 1978 წელს, თუმცა ეს ტერიტორია ჯერ კიდევ 1933 წლიდან იყო დაცული სატყეო ნაკრძალის სახით.
| ტიგის კუნძულის ეროვნული პარკი | |
|---|---|
IUCN კატეგორია II (ეროვნული პარკი)
| |
_returning_to_the_sea_(14638010061).jpg) | |
| მდებარეობა |  მალაიზია
|
| კოორდინატები | 5°43′ ს. გ. 115°39′ ა. გ. / 5.717° ს. გ. 115.650° ა. გ. |
| ფართობი | 158 კმ² |
| დაარსდა | 1978 |
| მმართველი ორგანო | საბაჰის პარკები |
პარკი მოიცავს 158 კმ²-ს, რომლის დიდი ნაწილიც ოკეანეზე მოდის. მათ შორისაა სამი კუნძული — ტიგა, კალამპუნიან-ბესარი და დამიტი. კუნძულები 1897 წელს, ტალახის ვულკანის ამოფრქვევის შედეგად წარმოიქმნა.
ტიგის კუნძული ამჟამად გაუვალი მცენარეულობითაა დაფარული. ვულკანური აქტივობა დღემდე გრძელდება, ტალახის ბუყბუყისა და მეთანის ამონთხევის სახით. ტალახის ბოლო დიდი ამოფრქვევა 1960-იან წლებში მოხდა.
კალამპუნიან-ბესარი ამჟამად ქვიშიანი კუნძულია, ტალღებისგან გადარეცხილი. ცნობილია შაქარივით ქათქათა ქვიშითა და სუფთა წყლით. პოპულარულია ყვინთვის მოყვარულებს შორის.
დამიტს ხშირად გველების კუნძულს უწოდებენ, რადგან წარმოადგენს ძლიერ შხამიანი ზღვის გველების შეწყვილების ადგილს.
ეროვნულ პარკს მართავს სახელმწიფო ინსტიტუტი „საბაჰის პარკები“.
იხილეთ აგრეთვე
რედაქტირებარესურსები ინტერნეტში
რედაქტირება- Sabah Parks: Pulau Tiga National Park დაარქივებული 2017-05-08 საიტზე Wayback Machine.