ტვინ პიქსი
„ტვინ პიქსი“ (ინგლ. Twin Peaks) — ამერიკული სატელევიზიო მისტიკური დრამატული სერიალი, შექმნილი მარკ ფროსტისა და დეივიდ ლინჩის მიერ. სერიალში მოთხრობილია ფედერალური საგამოძიებო ბიუროს აგენტ დეილ კუპერის (კაილ მაკლაქლენი) ამბავი, რომელიც იძიებს ქალაქ ტვინ პიქსის მკვიდრის, ლორა პალმერის (შერილ ლი) მკვლელობას. სერიალის საცდელი სერია ეთერში გავიდა ABC-ზე, 1990 წლის 18 აპრილს. შვიდი ეპიზოდის შემდეგ სერიალი განახლდა და დაიწყო მეორე სეზონი, რომელიც გაგრძელდა 1991 წლის 10 ივნისამდე.
| ტვინ პიქსი | |
|---|---|
 | |
| ჟანრი |
სერიული დრამა მისტიკა ფსიქოლოგიური თრილერი ზებუნებრივი მოვლენები[1] |
| ავტორი |
მარკ ფროსტი დეივიდ ლინჩი |
| მონაწილეობენ |
კაილ მაკლაქლენი მაიკლ ონტკინი მედხენ ამიკი დანა ეშბრუკი რიჩარდ ბეიმერი ლარა ფლინ ბოილი შერილინ ფენი უორენ ფროსტი პეგი ლიპტონი ჯეიმზ მარშალი ევერეტ მაკ-გილი ჯეკ ნენსი რეი უაიზი ჯოან ჩენი პაიპერ ლორი კიმი რობერტსონი ერიკ და რე ჰარი გოუზი მაიკლ ჰორსი შერილ ლი რას ტემბლინი კენეთ მელში |
| მთავარი თემა | „Falling (Twin Peaks Theme)“ |
| კომპოზიტორ(ებ)ი | ანჯელო ბადალამენტი |
| ქვეყანა | აშშ |
| ენა | ინგლისური |
| სეზონი | 3 |
| ეპიზოდი | 48 (ეპიზოდების სია) |
| წარმოება | |
| აღმასრულებელი პროდიუსერ(ებ)ი |
მარკ ფროსტი დეივიდ ლინჩი |
| ხანგრძლივობა |
47 წთ. 94 წთ.(„პილოტი“, „ეპიზოდი 8“) 50 წთ. („ეპიზოდი 9“) |
| კომპანია |
Lynch/Frost Productions Propaganda Films Spelling Television |
| დისტრიბუტორი |
Republic Pictures CBS Television Distribution |
| ეთერი | |
| ორიგინალური არხი |
ABC (1990–1991) Showtime (2016 – ) |
| აუდიო ფორმატი |
Dolby Surround 2.0 Dolby Digital 5.1 (DVD) |
| ეთერში | 8 აპრილი, 1990 — 3 სექტემბერი, 2017 |
| რესურსები ინტერნეტში | |
ტვინ პიქსი არის გამოგონილი ქალაქი ვაშინგტონის შტატის ტერიტორიაზე. ექსტერიერების გადაღებები მიმდინარეობდა ვაშინგტონის შტატში, სნოკუოლმისა და ნორზ-ბენდში, დამატებითი ექსტერიერები კი გადაიღეს სამხრეთ კალიფორნიაში. ინტერიერული სცენების დიდი ნაწილი გადაიღეს სან-ფერნანდოს ველზე მდებარე საწყობში.
ტვინ პიქსი იქცა 1990 წლის ერთ-ერთ ყველაზე წარმატებულ სატელევიზიო პროექტად, როგორც ამერიკის, ასევე მსოფლიო მასშტაბით. სერიალს მოჰყვა საკულტო წარმატებაც. იგი იქცა პოპულარული კულტურის ნაწილად, რომელიც შემდგომში ხშირად უხსენებიათ სხვა სატელევიზიო გადაცემებში, რეკლამებში, კომიქსებში, ვიდეოთამაშებში, ფილმებსა და სიმღერების ტექსტებში. თუმცა, სერიალის პოპულარობამ ოდნავ იკლო, ამიტომ ABC-მ მოითხოვა მეორე სეზონის შუა ეპიზოდებისთვის ლორას მკვლელის ვინაობის განხილვა. 1992 წელს სერიალს მოჰყვა სრულმეტრაჟიანი ფილმიც, რომელიც წარმოადგენს როგორც სერიალის პროლოგს, აგრეთვე მის დასასრულსაც.
TV Guide-მა პირველი ეპიზოდი შეიყვანა ყველა დროის უდიდესი ეპიზოდების სიის 25-ე ადგილზე.[2] თავად სერიალი 2002 წელს ამავე რესურსის ყველა დროის 50 უდიდესი სატელევიზიო შოუს სიაში 45-ე ადგილს იკავებდა.[3] 2013 წელს იგი მოხვდა ნაადრევად დახურული 60 შოუს სიაში.[4] Time-მა ტვინ პიქსი 2007 წელს დაასახელა ყველა დროის უდიდეს სატელევიზიო შოუს შორის.[5]Entertainment Weekly-ის „უახლეს სატელევიზიო კლასიკაში“ სერიალმა 49-ე ადგილი დაიკავა.[6] გასული 25 წლის საუკეთესო საკულტო შოუებში მან მე-12 ადგილი დაიკავა.[7] სერიალის 2017 წლის გაგრძელებამ ასევე მოიპოვა კრიტიკოსთა აღიარება.[8]
როლებში რედაქტირება
მთავარი სტატია: ტვინ პიქსი (პერსონაჟების სია).- კაილ მაკლაქლენი — დეილ კუპერი
- მაიკლ ონტკინი — ჰარი ს. ტრუმენი
- მედხენ ამიკი — შელი ჯონსონი
- დანა ეშბრუკი — ბობი ბრიგზი
- რიჩარდ ბაიმერი — ბენჯამინ ჰორნი
- ლარა ფლინ ბოილი — დონა ჰეიუორდი
- შერილინ ფენი — ოდრი ჰორნი
- უორენ ფროსტი — უილ ჰეიუორდი
- პეგი ლიპტონი — ნორმა ჯენინგზი
- ჯეიმზ მარშალი — ჯეიმზ ჰარლი
- ევერეტ მაკ-გილი — ედ ჰარლი
- ჯეკ ნენსი — პიტ მარტელი
- ჯოან ჩენი — ჯოსლინ პაკარდი
- რეი უაიზი — ლელანდ პალმერი
- პაიპერ ლორი — კეტრინ მარტელი
- კიმი რობერტსონი — ლუსი მორანი
- ერიკ და რე — ლეო ჯონსონი
- ჰარი გოუზი — ენდი ბრენანი
- მაიკლ ჰორსი — ტომი „შევარდენი“ ჰილი
- შერილ ლი — ლორა პალმერი/მადლენ „მედი“ ფერგიუსონი
- რას ტემბლინი — ლოურენს ჯეიკობი
- კენეთ უელში — უინდომ ერლი
რესურსები ინტერნეტში რედაქტირება
ვიკისაწყობში არის გვერდი თემაზე: ტვინ პიქსი
- „ტვინ პიქსი“ — კინოფილმების ინტერნეტ-მონაცემთა ბაზა (ინგლისური)
- „ტვინ პიქსი“ საიტზე TV.com
- ტვინ პიქსი საიტზე Curlie
სქოლიო რედაქტირება
- ↑ LeVasseur, Andrea. Twin Peaks [TV Series]. Allmovie. ციტირების თარიღი: November 19, 2012.
- ↑ „Special Collector's Issue: 100 Greatest Episodes of All Time“. TV Guide (June 28 – July 4). 1997.
- ↑ Cosgrove-Mather, Bootie (April 26, 2002). „TV Guide Names Top 50 Shows“. CBS News. დაარქივებულია ორიგინალიდან — სექტემბერი 4, 2012. ციტირების თარიღი: October 30, 2007.
- ↑ Roush, Matt (June 3, 2013). "Cancelled Too Soon". TV Guide. pp. 20 and 21
- ↑ Poniewozik, James (September 6, 2007). „The 100 Best TV Shows of All-TIME“. Time. დაარქივებულია ორიგინალიდან — ოქტომბერი 11, 2014. ციტირების თარიღი: March 4, 2010.
- ↑ The New Classics: TV. Entertainment Weekly (June 18, 2007). დაარქივებულია ორიგინალიდან — იანვარი 15, 2018. ციტირების თარიღი: February 21, 2012.
- ↑ "25 Best Cult TV Shows from the Past 25 Years." Entertainment Weekly. August 3, 2012, p. 40.
- ↑ Twin Peaks: The Return. ციტირების თარიღი: November 4, 2023