ტახო
(გადამისამართდა გვერდიდან ტეჟუ)
ტახო, ტეჟუ (ესპ. Tajo, პორტ. Tejo) — მდინარე ესპანეთსა და პორტუგალიაში, უდიდესი პირენეის ნახევარკუნძულზე. სიგრძე 1010 კილომეტრი, აუზის ფართობი - 81 ათასი კმ2. სათავე აქვს უნივერსალესის მთებში. კვეთს ახალი კასტილიის ზეგანს, შემდეგ მიედინება პორტუგალიის დაბლობზე, ერთვის ატლანტის ოკეანეს და აჩენს ესტუარს, უმთავრესად საზრდოობს წვიმის წყლით. წყალუხვია ნოემბრიდან აპრილამდე. წყლის საშუალო ხარჯი ესპანეთისა და პორტუგალიის საზღვართან 438 მ3/წმ. ტახოსა და მის შენაკადებს იყენებენ სარწყავად და ენერგეტიკისათვის. სანაოსნოა 185 კილომეტრი. ტახოს ნაპირებზეა ქალაქები: ტოლედო (ესპანეთი), სანტარენი (პორტუგალია), ხოლო ესტუარში — პორტუგალიის დედაქალაქი ლისაბონი.
| ტახო, ტეჟუ | |
|---|---|
 ტახოს აუზი | |
| ქვეყანა |
 ესპანეთი,  პორტუგალია |
| ქალაქები |
ტოლედო (ესპანეთი), სანტარენი (პორტუგალია) |
| სათავე | უნივერსალესის მთები |
| სიგრძე | 1010 კმ |
| აუზის ფართობი | 81 კმ² |
 ტახო, ტეჟუ ვიკისაწყობში | |
ფოტოგალერეა
რედაქტირებატახო
.jpg)