ტაიგეტი
ტაიგეტი (ბერძ. Ταΰγετος) — ქედი საბერძნეთში, პელოპონესის ნახევარკუნძულის სამხრეთ ნაწილში. სიგრძე დაახლოებით 75 კმ. სიმაღლე 2404 მ-მდე (მთა აიოს-ილიასი). აგებულია მეტწილად კირქვებითა და კრისტალური ფიქლებით. აქვს ციცაბოკალთებიანი დაკბილული მწვერვალები. განვითარებულია კარსტი. ფერდობების ქვედა ნაწილი შემოსილია მაკვისით, უფრო მაღლა — წაბლის, მუხის, სოჭის ტყეები და გასტეპებული მდელოებია. მაღალი მწვერვალების ფერდობები რამდენიმე თვით თოვლით არის დაფარული. ტაიგეტის აღმოსავლეთ მთისძირშია ქალაქ-სახელმწიფო — სპარტა.
| ტაიგეტი | |
|---|---|
 ტაიგეტი | |
| კოორდინატები: 36°57′14″ ჩ. გ. 22°21′08″ ა. გ. / 36.95389° ჩ. გ. 22.35222° ა. გ. | |
| ქვეყანა |  საბერძნეთი
|
| უმაღლესი წერტილი | აიოს-ილიასი |
| სიმაღლე | 2404 მ |
| სიგრძე | 75 კმ |
  | |
რესურსები ინტერნეტში
რედაქტირება- ტაიგეტი — სტატია დიდი საბჭოთა ენციკლოპედიიდან (რუსული)