სტრატონ ლამფსაკოსელი

სტრატონ ლამფსაკოსელი (ბერძ. Στράτων ὁ Λαμψακηνός; დ. ძვ. წ. 340 — გ. ძვ. წ. 270/268) — ძველი ბერძენი ფილოსოფოსი, პერიპატეტიკოსთა სკოლის თვალსაჩინო წარმომადგენელელი. 18 წელი ამ სკოლის მეთაური იყო. მისი მრავალი თხზულებიდან შემორჩენილია მხოლოდ ფრაგმენტები. სტრატონი პერიპატეტიკოსთა შორის გამოირჩევა მატერიალური პოზიციით, ღმერთისა და ტელეოლოგიის უარყოფით. „ყოველი არსებული“, მისი აზრით, „ბუნების მიერ არის შექმნილი“. რისიმე წარმოქმნის საფუძვლად მიიჩნევდა სითბოს და სიცივეს. სტრატონი ანგარიშს უწევდა დემოკრიტეს ატომისტიკას. აზროვნების საფუძვლად გრძნობადს თვლიდა, ბუნების მეცნიერულ კვლევაში დიდ ადგილს უთმობდა ექსპერიმენტს. დიდია მისი გავლენა ალექსანდრიული სკოლის მოაზროვნეებზე.

სტრატონ ლამფსაკოსელი
მშობლიური სახელი	Στράτων ὁ Λαμψακηνός
დაბადების თარიღი	ძვ. წ. 340
გარდაცვალების თარიღი	ძვ. წ. 270/268
ეროვნება	ბერძენი
პროფესია	ფილოსოფოსი

ლიტერატურა

• Диоген Лаертский, О жизни, учениях и изречениях знаменитых философов, М., 1979, с. 222–224;

• ჭელიძე მ., ქართული საბჭოთა ენციკლოპედია, ტ. 9, თბ., 1985. — გვ. 578–579.