სპელეოლოგთა პიკი
სპელეოლოგთა პიკი — მწვერვალი საქართველოში, აფხაზეთის ავტონომიური რესპუბლიკის გაგრის მუნიციპალიტეტში. მდებარეობს არაბიკის მასივზე. სიმაღლე 2757.6 მ.[1]
| სპელეოლოგთა პიკი | |
|---|---|
| კოორდინატები: 43°26′39″ ჩ. გ. 40°21′15″ ა. გ. / 43.444333° ჩ. გ. 40.354333° ა. გ. | |
| ქვეყანა |  საქართველო
|
| ტერიტორიული ერთეული | გაგრის მუნიციპალიტეტი |
| სიმაღლე | 2757.6 მ |
| მთის მასივი | არაბიკა |
  | |
 | |
წარმოადგენს არაბიკის მასივის და საერთოდ, დასავლეთ საქართველოს კარსტული ზოლის უმაღლეს წერტილს.[2] აგებულია ზედაიურული კირქვებით.[3] უხვადაა განვითარებული კარსტული ფორმები. მწვერვალის აღმოსავლეთ კალთაზეა მღვიმე მლეჩნაია, ხოლო ჩრდილოეთ კალთაზე ელდორადო. მწვერვალიდან იშლება ხედი კარსტული ლანდშაფტსა და უფრო ჩრდილოეთით კავკასიონზე.[4]
1960 წელს ლევან მარუაშვილის ხელმძღვანელობით ჩატარდა 13 კაციანი ექსპედიცია არაბიკის მასივზე, რომლის უშუალო ინიციატივით, რუკაზე აღნიშნული უსახელო მწვერვალის დასალაშქრად შეიქმნა ოთხკაციანი ჯგუფი ჭიჭიკო ჯანელიძის, დემურ ტაბიძის, ჯუმბერ ჯიშკარიანისა და თამაზ კიკნაძის მონაწილეობით. წარმატებული ასვლის შემდეგ, უსახელო მწვერვალს ეწოდა „სპელეოლოგთა პიკი“, რომელიც რუკაზე დაიტანეს და მწვერვალზე წერილი დატოვეს.[4]
სქოლიო
რედაქტირება- ↑ საქართველოს ფიზიკურ-გეოგრაფიული ნარკვევი : [სტატიების კრებული] ზოგიერთი სტატია რუსულ ენაზე. რედაქტორი: თეოფანე დავითაია. თბილისი : მეცნიერება, 1969.
- ↑ შ. ყიფიანი, ზ. ტინტილოზოვი, არს. ოქროჯანაშვილი, ვ. ჯიშკარიანი; საქართველოს კარსტული მღვიმეების კადასტრი, საქ. სსრ მეცნ. აკადემია. ვახუშტის სახ. გეოგრაფიის ინ-ტი. თბ.: 1966, გვ. 7
- ↑ Спелеология Самарской области. Региональная общественная организация «Самарский геолог» Самарская спелеологическая комиссия. Выпуск 3, Самара, 2004
- ↑ 4.0 4.1 Кикнадзе, Тамаз. Пропасти Арабики : Записки спелеолога / Т. Кикнадзе ; Академия Наук ГССР, Спелеологическая комиссия. Тбилиси : "Мецниереба", 1967.