სანდრა სტეინგრაბერი

სანდრა სტეინგრაბერი (ინგლ. Sandra Steingraber; დ. 1959, ილინოისი, აშშ) — ამერიკელი ბიოლოგი, მწერალი და კიბოსთან ბრძოლაში გამარჯვებული. სტეინგრაბერი წერს და კითხულობს ლექციებს ეკოლოგიის კავშირზე კიბოსთან და გარემო ფაქტორებზე, რომლებიც ხელს უწყობენ რეპროდუქციული ჯანმრთელობის პრობლემებს

სანდრა სტეინგრაბერი
სანდრა სტეინგრაბერი
დაბადების თარიღი	1959 ილინოისი, აშშ
პროფესია	ბიოლოგი, მწერალი, მეცინერი
მეუღლე(ები)	ჯეფ დე კასტრო

ადრეული ცხოვრება

სტეინგრაბერი ჩვილობის ასაკში იშვილეს. იგი გაიზარდა და ბავშვობის უმეტესი ნაწილი გაატარა ტეიზველის ოლქში, ილინოისში. დედამისი მიკრობიოლოგი იყო, მამა კი კოლეჯის პროფესორი. მშობლებმა პატარა ასაკიდანვე ჩაუნერგეს ინტერესი მდგრადი განვითარებისა და ორგანული სოფლის მეურნეობის მიმართ.

20 წლის ასაკში სტეინგრაბერს განუვითარდა შარდის ბუშტის კიბო. მის რამდენიმე წიგნში, იგი აღწერს აშკარა კიბოს კლასტერს მის მშობლიურ ქალაქსა და ოჯახში.

კიბოს რემისიის შემდეგ სტეინგრაბერმა დაასრულა ბაკალავრიატი ბიოლოგიაში ილინოისის ვესლეანის უნივერსიტეტში. იგი რამდენიმე წლის განმავლობაში მუშაობდა საველე მკვლევარად, საბოლოოდ, დოქტორის ხარისხი ბიოლოგიაში მიჩიგანის უნივერსიტეტში მიიღო. იგი ასევე ფლობს მაგისტრის ხარისხს ინგლისურში, რომელიც მან ილინოისის სახელმწიფო უნივერსიტეტში მიიღო.

კარიერა

სტეინგრაბერი მუშაობდა კორნელის უნივერსიტეტის ფაკულტეტზე და არის საპატიო მოწვეული მეცნიერი ინტერდისციპლინარულ და საერთაშორისო კვლევების განყოფილებაში ითაკას კოლეჯში, ითაკაში, ნიუ-იორკში. იგი იმყოფებოდა საველე ვიზიტით ილინოისის უნივერსიტეტში, რედკლიფ/ჰარვარდში და ჩრდილო-აღმოსავლეთ უნივერსიტეტში, და მუშობდა პრეზიდენტ ბილ კლინტონის მკერდის კიბოს ეროვნულ სამოქმედო გეგმაზე.

აქტივიზმი

სტეინგრაბერი , თავის 1997 წლის წიგნში Living Downstream, სამრეწველო და სასოფლო-სამეურნეო დაბინძურების აღწერილობებს აზავებს ანეკდოტებითა და სამეცნიერო და სამედიცინო ლიტერატურის მონაცემებთით, რათა შეაფასოს კავშირი გარემო ფაქტორებსა და კიბოს შორის. სტეინგრაბერი აკრიტიკებს დისბალანსს კიბოს გენეტიკური მიდრეკილების კვლევების დაფინანსებასა და გარემოსდაცვითი წვლილის შესწავლას შორის. წიგნში ნათქვამია, რომ მიუხედავად იმისა, რომ ჩვენ ცოტა რამის გაკეთება შეგვიძლია ჩვენი გენეტიკური მემკვიდრეობის შესაცვლელად, ბევრი რამ შეიძლება გაკეთდეს იმისათვის, რათა შემცირდეს ადამიანის ზემოქმედება გარემო კანცეროგენებზე.

2013 წლის 18 მარტს, სტეინგრაბერი ცხრა სხვა მომიტინგეებთან ერთად დააკავეს, რადგან გადაკეტა ბუნებრივი აირის ობიექტში შესასვლელი, იმისათვის, რომ გაეპროტესტებინა "the industrialization of the Finger Lakes". ჯარიმის გადახდაზე უარის თქმის შემდეგ მან და "Seneca Lake 12"-ის ორმა წევრმა 15-დღიანი სასჯელი მიიღეს. გათავისუფლებამდე სანდრამ 10 დღე გაატარა ერთ-ერთი ოლქის ციხეში.

პირადი ცხოვრება

სანდრა ცხოვრობს ნიუ-იორკში მეუღლესთან ჯეფ დე კასტროსთან, მოქანდაკე და ხელოვნების რესტავრაციის სპეციალისტთან, და ორ შვილთან ერთად. 2019 წლის ივლისში, სანდრა სტეინგრაბერმა თავის ესსეში განაცხადა, რომ ის არის გეი, მისი განცხადების დღე კი დაამთხვია LGBTQ STEM დღეს.

რესურსები ინტერნეტში

• სანდრა სტეინგრაბერი ვებსაიტი
• Living Downstream დოკუმენტური ფილმი დაარქივებული 2022-03-13 საიტზე Wayback Machine.
• Unfractured - 2018 წლის დოკუმენტური ფილმი