სამართლის მაცნე
სამართლის მაცნე (ინგლ. Herald of Law) — სამართლის საერთაშორისო სამეცნიერო ელექტრონული ჟურნალი, რომელსაც გამოსცემს სამართლის მეცნიერთა კავშირი.[1] დაარსდა 2019 წლის 15 დეკემბერს თბილისში. პირველი ნომერი გამოვიდა 2020 წლის ივლისში,[2] რომლის წარდგენის ღონისძიება იმავე წლის 21 ოქტომბერს გაიმართა.[3] ჟურნალის მთავარი რედაქტორია — ზურაბ ჭყონია.[4]
| სამართლის მაცნე | |
|---|---|
| |
| სპეციალიზაცია | სამართალი |
| ენა | ინგლისური და ქართული (საიტის ენა) |
| მთავარი რედაქტორი | ზურაბ ჭყონია |
| პუბლიკაციის დეტალები | |
| გამომცემელი | სამართლის მეცნიერთა კავშირი |
| პირველი გამოცემის თარიღი | ივლისი, 2020 |
| ქვეყანა |  საქართველო
|
| დაფუძნდა | 15 დეკემბერი, 2019 |
| რედაქციის მისამართი | თბილისი, ვაჟა-ფშაველას გამზირი, IV კვარტალი |
| გამოცემის სიხშირე | წელიწადში ორჯერ — ივლისში და დეკემბერში |
| ტიპი | ელექტორნული ჟურნალი |
| ISSN | 2667-9434 |
ჟურნალი ღია წვდომისაა და მასში გამოქვეყნებული სრული მასალა ხელმისაწვდომია ნებისმიერი დაინტერესებული პირისათვის. ჟურნალში გამოქვეყნებული სამეცნიერო სტატიები რეფერირდება ინსტიტუტ „ტექინფორმის“ გამოცემაში „ქართული რეფერატული ჟურნალი“.[5]
ჟურნალი ქვეყნდება წელიწადში ორჯერ — ივლისში და დეკემბერში. შესაძლებელია, ასევე, გამოიცეს დამატებით სპეციალური ნომერი. სტატიები ქვეყნდება უსასყიდლოდ, ქართულ, ინგლისურ, გერმანულ და რუსულ ენებზე (ინგლისურ ენოვან აბსტრაქტთან და ბიბლიოგრაფიასთან ერთად).[6]
ჟურნალის მისიაა „სამართლის მეცნიერების განვითარების და სამოქალაქო საზოგადოებაში სამართლებრივი მართლშეგნების დონის ამაღლების ხელშეწყობა“.[5]
ჟურნალის მიერ სამეცნიერო სტატიების შერჩევა ხორციელდება ღია კონკურსის წესით და ორმხრივად ფარული (ანონიმური) რეცენზირების გზით.[5]
იგი თანამშრომლობს როგორც საქართველოს, ისე საერთაშორისო ორგანიზაციებთან, ასევე სახელისუფლებო ორგანოებთან. მისი სარედაქციო კოლეგია შედგება სამართლის დარგის ქართველი და უცხოელი მეცნიერების და მკვლევარებისგან. ჟურნალს მინიჭებული აქვს საერთაშორისო გრიფი ISSN 2667-9434.[7] ჟურნალი შესულია და ინდექსირდება ათამდე საერთაშორისო სამეცნიერო გლობალურ ბაზაში. ჟურნალში ნაშრომები გამოქვეყნდება – Creative Commons ლიცენზიით (CC BY-SA). ჟურნალი ბუდაპეშტის ღია წვდომის დეკლარაციის ხელმომწერია.[8] ამასთან, ჟურნალის გამომცემელი „სამართლის მეცნიერთა კავშირი“ არის ბერლინის ღია წვდომის დეკლარაციის ხელმომწერი.[9]
რესურსები ინტერნეტში
რედაქტირება- ოფიციალური საიტი
- „სამართლის მაცნე“ — ISSN
- „სამართლის მაცნე“ — ციფრული ბიბლიოთეკა „ივერიელი“
- „სამართლის მაცნე“ Facebook-ზე
სქოლიო
რედაქტირება- ↑ ჟურნალი სამართლის მაცნე. უმაღლესი სასწავლებელი „მილენიუმი“ (15 მარტი, 2020). ციტირების თარიღი: 4 თებერვალი, 2021.[მკვდარი ბმული]
- ↑ „სამართლის მაცნე“. Iverieli. ციტირების თარიღი: 5 მარტი, 2021.
- ↑ უნივერსიტეტი მჭიდრო თანამშრომლობას გეგმავს საერთაშორისო-სამეცნიერო ჟურნალთან „სამართლის მაცნე“. გრიგოლ რობაქიძის სახელობის უნივერსიტეტი. ციტირების თარიღი: 5 მარტი, 2021.
- ↑ ჟურნალ „სამართლის მაცნე“-ს მთავარ რედაქტორად ზურაბ ჭყონიას არჩევა. სამართლის მეცნიერთა კავშირი (30 იანვარი, 2020). ციტირების თარიღი: 5 მარტი, 2021.
- ↑ 5.0 5.1 5.2 ჟურნალ „სამართლის მაცნე“-ს კონცეფცია. Heraldoflaw.com. ციტირების თარიღი: 5 მარტი, 2021.
- ↑ Herald of law. International Scientific Indexing. ციტირების თარიღი: 5 მარტი, 2021.
- ↑ Herald of Law. International Standard Serial Number. ციტირების თარიღი: 5 მარტი, 2021.
- ↑ View Organization Signatures. Open Access. ციტირების თარიღი: 3 თებერვალი, 2022.
- ↑ Signatories. Openaccess.mpg.de. ციტირების თარიღი: 3 თებერვალი, 2022.