საიდა გუნბა
საიდა კაპასას ასული გუმბა (დ. 30 აგვისტო, 1959, სოხუმი, — გ. 24 ნოემბერი, 2018, ბიჭვინთა) — აფხაზი მძლეოსანი (შუბის ტყორცნა). მოსკოვის ოლიმპიადის ვიცე-ჩემპიონი (1980; 67,76 მ; მოსკოვი). საბჭოთა კავშირის საერთაშორისო კლასის სპორტის ოსტატი. სსრკ ჩემპიონი (1978, თბილისი), სსრკ ხალხთა VII სპარტაკიადის ჩემპიონი (1979, მოსკოვი), სსრკ ხალხთა VIII სპარტაკიადის ვიცე-ჩემპიონი (1983, მოსკოვი), სსრკ ჩემპიონი (იუნიორები, 1978, რიგა). დაჯილდოებულია საპატიო ნიშნის ორდენით (1980).
1981 წელს დაამთავრა საქართველოს ფიზკულტურის ინსტიტუტი. პირადი რეკორდი (68,28 მ) 1980 წელს მოსკოვში უჩვენა. 1979 წელს, ლაიპციგში გამართულ ამხანაგურ შეხვედრაში, გერმანიის დემოკრატიული რესპუბლიკისა და საბჭოთა კავშირის მძლეოსანთა ნაკრებ გუნდებს შორის, ბრინჯაოს მედალი მოიპოვა. ამავე წელს სიტარდის (ნიდერლანდები) საერთაშორისო ტურნირის ჩემპიონი გახდა. 1980 წელს ტოკიოში (იაპონია) კი — ვარსკვლავთა საერთაშორისო ტურნირის ჩემპიონი. 1978–1987 წლებში იყო საქართველოს ფიზიკური კულტურისა და სპორტის სახელმწიფო კომიტეტის ინსტრუქტორი. რუსული მედია-საშუალებების ცნობით სანინსტრუქტორად მონაწილეობდა აფხაზეთის ომში (1992-1993) სეპარატისტების მხარეზე.[1]
ძირითადი შედეგები
რედაქტირება| დისციპლინა | ადგილმდებარეობა | ტურნირი | ადგილი |
|---|---|---|---|
| შუბის ტყორცნა |  |
ზაფხულის XXII ოლიმპიური თამაშები 1980 | 
|
ლიტერატურა
რედაქტირება- ელგუჯა ბერიშვილი, ქართული სპორტის ოქროს წიგნი, გვ. 155, თბ.: პალიტრა L, 2013.
- ენციკლოპედია „საქართველო“, ტ. 2, თბ., 2012. — გვ. 203.
რესურსები ინტერნეტში
რედაქტირებასქოლიო
რედაქტირება- ↑ Скромная чемпионка: памяти Саиды Гунба, „სპუტნიკ-აბხაზია“, 24 ნოემბერი, 2019.