რხევის პერიოდი

რხევის პერიოდი (სიმბოლო: ${\displaystyle }$T, $\tau$, $\Theta$) — ფიზიკური სიდიდე, რომელიც განსაზღვრავს დროის უმცირეს შუალედს, რომლის შემდეგ მერხევი სისტემა ხელახლა უბრუნდება ნებისმიერად არჩეულ მდგომარეობას. რხევის პერიოდის ცნებას იყენებენ მხოლოდ ისეთი შემთხვევებისათვის, როცა რომელიმე სიდიდის მნიშვნელობანი ზუსტად მეორდებიან დროის ერთნაირი შუალედების შემდეგ, მაგალითად, ჰარმონიული რხევების შემთხვევაში; უფრო ფართო მნიშვნელობით იყენებენ მიახლოებით განმეორებადი პროცესების შესწავლისას.

რხევის პერიოდი
ჰარმონიული რხევების ანიმაცია მათი პერიოდის მატებასთან ერთად
სიმბოლოს აღნიშვნა	${\displaystyle }$T, $\tau$, $\Theta$
SI სისტემა	წამი (წმ)
სხვა სიდიდეებიდან წარმოება	$T={\frac {1}{\nu }}$ $T={\frac {\lambda }{v}}$
განზომილება	$[T]$

რხევის პერიოდი უკუკავშირშია რხევის სიხშირესთან:

$T={\frac {1}{\nu }}$

ტალღურ პროცესებში რხევის პერიოდი დაკავშირებულია ტალღის სიგრძესთან:

$T={\frac {\lambda }{v}}$,

სადაც $v$ — ტალღის გავრცელების სიჩქარეა (უფროსწორედ კი — ფაზური სიჩქარე).

ლიტერატურა

• ქართული საბჭოთა ენციკლოპედია, ტ. 8, თბ., 1984. — გვ. 526.

რესურსები ინტერნეტში

• რხევის პერიოდი // nplg.gov.ge