რუსთავის პარკი
რუსთავის პარკი, ასევე ცნობილი როგორც რუსთავის კულტურისა და დასვენების პარკი ან რუსთავის ცენტრალური პარკი — რეკრეაციული ტყე-პარკი ქვემო ქართლში, მტკვრის მარცხენა სანაპიროზე, ძველი და ახალი რუსთავის დამაკავშირებელ ხიდთან. პარკში მდებარეობს რუსთავის ციხე.
| რუსთავის პარკი | |
|---|---|
 ხელოვნური ტბა რუსთავის პარკში | |
| მდებარეობა | |
| 41°32′15″ ჩ. გ. 44°59′53″ ა. გ. / 41.537639° ჩ. გ. 44.998306° ა. გ. | |
| ქვეყანა | საქართველო |
| რეგიონი | ქვემო ქართლი |
| ქალაქი | რუსთავი |
| ძირითადი ინფორმაცია | |
| ტიპი | პარკი |
| ფართობი | 34.8072 ჰექტარი [1] |
| ბუნება | |
| წყლის რესურსები | ხელოვნური ტბა |
  | |
შექმნა
რედაქტირებარუსთავის პარკის მოწყობა დაიწყო 1940-იან წლებში. დაბა რუსთავის ტერიტორიაზე ქალაქის აშენებასთან ერთად, გენერალური გეგმა მოიცავდა მის მოწყობასაც. 1940-იანი წლების ბოლოს მდინარე მტკვარს შეუცვალეს კალაპოტი და შექმნეს ხელოვნური ტბა. ტბის გარშემო მოწესრიგდა ტყე-ჭალის ტერიტორია. ტბის გარშემო დაიყარა ქვიშა. მოეწყო რეკრეაციული სივრცეები.[2]
დღევანდელობა
რედაქტირებარუსთავის პარკის ტერიტორიაზე მოწყობილია ფეხბურთის, კალათბურთისა და ფრენბურთის მოედნები. ასევე სკეიტ-პარკი და ღია ტიპის სავარჯიშო სივრცეები. გარდა ამისა, პარკში არის სკამები, საპიკნიკე სივრცეები, ბეტონის ბილიკები და რამდენიმე შადრევანი და ფანჩატური. პარკის ტერიტორიაზე მდებარეობს ღია ამფითეატრიც. სივრცის უდიდეს ნაწილზე დამონტაჟებულია გარე განათება. პარკის შესასვლელში 50 ავტომანქანაზე გათვლილი საპარკინგე სივრცეა.[3]
2016 წლის 5 იანვრიდან რუსთავის კულტურისა და დასვენების პარკს აქვს კულტურული მემკვიდრეობის ძეგლის სტატუსი.[4]
სქოლიო
რედაქტირება
- ↑ რუსთავის პარკის საკადასტრო გეგმა. ციტირების თარიღი: 2024-18-04.
- ↑ იცოდი? - როდის შეიქმნა რუსთავის ცენტრალური პარკი და ტბა - Inforustavi.ge
- ↑ რუსთავის პარკი - georgiantravelguide.com
- ↑ საქართველოს კულტურული მემკვიდრეობის დაცვის ეროვნული სააგენტოს ძეგლთა ნუსხა. ციტირების თარიღი: 2024-18-04.