რიჩარდ I
რიჩარდ I ლომგული (ინგლ. Richard I Lionheart, ფრანგ. Richard Ie Cœur de Lion; დ. 8 სექტემბერი, 1157, ოქსფორდი — გ. 6 აპრილი, 1199, შინონი, საფრანგეთი) — ინგლისის მეფე 1189–1199 წლებში. მიეკუთვნებოდა პლანტაგენეტების დინასტიას. იგი ჰენრი II-ისა და ელეონორა აკვიტანიელის მესამე ვაჟი იყო და უკვე 1172 წელს პუატიეში აკვიტანიის ჰერცოგად ეკურთხა.
| რიჩარდ I | |
|---|---|
| Richard the Lionheart | |
 | |
| ინგლისის მეფე | |
| მმართ. დასაწყისი: | 6 ივლისი 1189 |
| მმართ. დასასრული: | 6 აპრილი 1199 |
| წინამორბედი: | ჰენრი II |
| მემკვიდრე: | ჯონ უმიწაწყლო |
| პირადი ცხოვრება | |
| დაბ. თარიღი: | 8 სექტემბერი 1157 |
| დაბ. ადგილი: | ოქსფორდი |
| გარდ. თარიღი: | 6 აპრილი 1199 |
| მეუღლე: | ბერენგარია ნავარელი |
| შვილები: | ფილილიპი |
| მამა: | ჰენრი II |
| დედა: | ელეონორ აკვიტანიელი |
გამუდმებით აწარმოებდა ინგლისისათვის უსარგებლო ომებს, რომელზეც დიდი რაოდენობით თანხა იხარჯებოდა. მონაწილეობდა III ჯვაროსნულ ლაშქრობაში (1189–1192), დაიპყრო კ. კვიპროსი და ციხესიმაგრე აკრა (პალესტინა). უკან დაბრუნებისას ტყვედ ჩაუვარდა ავსტრიის ჰერცოგ ლეოპოლდ V-ს, რომელმაც იგი იმპერატორ ჰაინრიხ VI-ს გადასცა. მხოლოდ 1194 წელს გაათავისუფლეს ტყვეობიდან დიდი გამოსასყიდის ფასად. 1194 წლიდან ეომებოდა საფრანგეთის მეფე ფილიპ II ოგიუსტს საფრანგეთში პლანტაგენეტების მიწების შესანარჩუნებლად. ამ ომში დაიღუპა.
ლიტერატურა
რედაქტირება- ქართული საბჭოთა ენციკლოპედია, ტ. 8, თბ., 1984. — გვ. 399.