რევაზ შავლოხაშვილი
რევაზ შავლოხაშვილი (დ, 25 ივლისი, 1964, თბილისი, საქართველოს სსრ, სსრკ) — ქართველი ინჟინერი და პოლიტიკოსი.
| რევაზ შავლოხაშვილი | |
|---|---|
 | |
| დაბადების თარიღი | 25 ივლისი, 1964 |
| დაბადების ადგილი | თბილისი, საქართველოს სსრ, სსრკ |
| მოქალაქეობა |
 სსრკ საქართველო |
| განათლება | საქართველოს პოლიტექნიკური ინსტიტუტი |
| ეროვნება | ქართველი |
ბიოგრაფია რედაქტირება
დაიბადა 1964 წლის 25 ივლისს, დაამთავრა საქართველოს პოლიტექნიკური ინსტიტუტი თვითმფრინავთმშენებლობის სპეციალობით. 1986-1987 წლებში იყო თბილისის საავიაციო გაერთიანების დიმიტროვის სახელობის ქარხნის მთავარი ტექნოლოგის განყოფილების ინჟინერ-ტექნოლოგი და კონსტრუქტორი. 1987-1988 წლებში — თბილისის საავიაციო გაერთიანების დიმიტროვის სახელობის ქარხნის მთავარი კონსტრუქტორის განყოფილების ინჟინერ-კონსტრუქტორი. 1988-1989 წლებში — თბილისის საავიაციო გაერთიანების დიმიტროვის სახელობის ქარხანის მექანიკური საამქროს უფროსი ინჟინერი. 1989-1991 წლებში ამავე ქარხნის მე-17 საამქროს განყოფილების უფროსი. 1991-1994 წლებში — საქართველოს სოფლის მეურნეობის სამინისტროს სამშენებლო ტრესტის მარნეულის სამშენებლო სამმართველოს უფროსის მოადგილე. 1994-1995 წლებში იყო საქართველოს შინაგან საქმეთა სამინისტროს ქვემო ქართლის სამხარეო მთავარი სამმართველოს ადმინისტრაციული პოლიციის უფროსი. 1995-1996 წლებში — საქართველოს შინაგან საქმეთა სამინისტროს ქვემო ქართლის სამხარეო მთავარი სამმართველოს ნარკომანიის სამმართველოს უფროსი. 1996-2000 წლებში — საქართველოს შინაგან საქმეთა სამინისტროს ქვემო ქართლის ორგანიზებული დანაშაულის რეკეტისა და კორუფციის წინააღმდეგ ბრძოლის სამსახურის თანამშრომელი. 2000-2002 წლებში იყო დმანისის რაიონის პოლიციის უფროსი, 2002-2004 წლებში — თეთრიწყაროს რაიონის პოლიციის უფროსი, 2004-2005 წლებში კი გარდაბნის რაიონის პოლიციის უფროსი. 2005-2006 წლებში — რუსთავის პოლიციის სამმართველოს უფროსი. 2006-2008 წლებში იკავებდა ქვემო ქართლის კრიმინალური პოლიციის უფროსის თანამდებობას. 2008 წელს იყო წალკის რაიონის პოლიციის უფროსი. 2012 წლის საპარლამენტო არჩევნებში წალკის მაჟორიტარობის კანდიდატი იყო („ერთიანი ნაციონალური მოძრაობა“), სადაც ხმათა 69,37% მიიღო (5607 ხმა) და პირველი ადგილი დაიკავა.[1] 2012-2016 წლებში იყო საქართველოს მე-8 მოწვევის პარლამენტის წევრი (წალკის მაჟორიტარი), საარჩევნო ბლოკი: „ერთიანი ნაციონალური მოძრაობა — „მეტი სარგებელი ხალხს“.
რესურსები ინტერნეტში რედაქტირება
- რევაზ შავლოხაშვილი — საქართველოს ბიოგრაფიული ლექსიკონი
- რევაზ შავლოხაშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)