რამაზ ნიკოლაიშვილი
რამაზ ნიკოლაიშვილი (დ. 17 ივნისი, 1965, თბილისი, საქართველოს სსრ ) — ქართველი ეკონომისტი, ინჟინერი, იურისტი, პოლიტიკოსი. საქართველოს რეგიონული განვითარებისა და ინფრასტრუქტურის მინისტრი 2010-2012 წლებში
| რამაზ ნიკოლაიშვილი | |
 რამაზ ნიკოლაიშვილი | |
  | |
|---|---|
| თანამდებობაზე ყოფნის დრო | |
| 30 ივნისი, 2010 – 31 აგვისტო, 2012 | |
| პრეზიდენტი | მიხეილ სააკაშვილი |
| პრემიერ-მინისტრი | ნიკოლოზ გილაური, ივანე მერაბიშვილი |
| წინამორბედი | დავით ტყეშელაშვილი |
| მემკვიდრე | ლაშა მგელაძე |
| დაბადებული | 17 ივნისი, 1965 თბილისი, .svg){kind=small} საქართველოს სსრ |
| საარჩევნი ოლქი | ოზურგეთი |
| მოქალაქეობა |  სსრკ → საქართველო |
| ეროვნება | ქართველი |
| პოლიტიკური პარტია | ერთიანი ნაციონალური მოძრაობა |
| განათლება | 1) საქართველოს პოლიტექნიკური ინსტიტუტი; 2) ივანე ჯავახიშვილის სახელობის თბილისის სახელმწიფო უნივერსიტეტი |
| საქმიანობა | პარლამენტის წევრი |
| რელიგია | მართლმადიდებელი |
| ჯილდოები | .jpeg){kind=small} ბრწყინვალების საპრეზიდენტო ორდენი.jpg){kind=small} ღირსების ორდენი.jpg){kind=small} ღირსების მედალი |
განათლება
რედაქტირება1990 წელს დაასრულა საქართველოს პოლიტექნიკური ინსტიტუტი ინჟინერ-მშენებლის კვალიფიკაციით; ხოლო 1997 წელს - თბილისის სახელმწიფო უნივერსიტეტი ეკონომისტის სპეციალობით. იგივე სასწავლებელი დაამთავრა 2003 წელსაც, ამჯერად იურისტის სპეციალობით.
კარიერა
რედაქტირებანიკოლაიშვილის სამუშაო გამოცდილება იწყება 1994 წლიდან, როცა მან საგადასახდო ინსპექციაში დაიწყო მუშაობა. 2000-2003 წლებში მუშაობდა საგანგებო ლეგიონში. 2003-2007 წლებში მუშაობდა ფინანსურ პოლიციაში, ხოლო ამ სამსახურის რეორგანიზების შემდეგ - შემოსავლების სამსახურში. 2008 წლის საპრეზიდენტო არჩევნების შემდეგ დაინიშნა სახელმწიფო რწმუნებულად-გუბერნატორად გურიის მხარეში, სადაც იმუშავა იმავე წლის საპარლამენტო არჩევნებამდე. არჩევნების შემდეგ, ზაფხულში დაინიშნა ჯერ თავდაცვის მინისტრის მოადგილედ, ხოლო მოგვიანებით საქართველოს საავტომობილო გზების დეპარტამენტის თავმჯდომარედ 2010-2012 წლებში იყო რეგიონული განვითარებისა და ინფრასტრუქტურის მინისტრი. 2012-2016 წლებში იყო საქართველოს მე-8 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა — „მეტი სარგებელი ხალხს“. 2016-2020 წლებში — საქართველოს მე-9 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა“. 2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა — გაერთიანებული ოპოზიცია „ძალა ერთობაშია“.[1]
პირადი ცხოვრება
რედაქტირებაჰყავს მეუღლე და სამი შვილი. ფლობს რუსულ და ინგლისურ ენებს[2].
ჯილდოები
რედაქტირებასაქართველოს სამეცნიერო და საინჟინრო საზოგადოებათა კავშირის პრეზიდიუმის 2010 წლის 20 მაისის გადაწყვეტილებით - 2009 წელს ტრანსპორტის და საგზაო მშენებლობის დარგში მიღწეული წარმატებისთვის მიენიჭა „წლის ინჟინრის“ საპატიო წოდება
- 2010 წლის 24 მაისის N418 საქართველოს პრეზიდენტის განკარგულებით დაჯილდოვდა ბრწყინვალების საპრეზიდენტო ორდენით
- 2009 წლის 4 დეკემბრის N866 საქართველოს პრეზიდენტის განკარგულებით დაჯილდოვდა ღირსების ორდენით
- 2007 წლის 17 სექტემბრის N 496 საქართველოს პრეზიდენტის განკარგულებით დაჯილდოვდა ღირსების მედლით
- 2005 წელს მიენიჭა სპეციალური წოდება „პოლკოვნიკი“.
რესურსები ინტერნეტში
რედაქტირება- რამაზ ნიკოლაიშვილი — საქართველოს ბიოგრაფიული ლექსიკონი
- რამაზ ნიკოლაიშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო
რედაქტირება- ↑ ცენტრალურმა საარჩევნო კომისიამ საქართველოს პარლამენტის 2020 წლის 31 ოქტომბრის არჩევნები შეაჯამა. ცესკო (2020-12-03). დაარქივებულია ორიგინალიდან — 2020-12-15. ციტირების თარიღი: 19 დეკემბერი, 2020.
- ↑ საქართველოს მთავრობა. დაარქივებულია ორიგინალიდან — 2013-10-25. ციტირების თარიღი: 2011-09-20.