პოზიტანო

პოზიტანო (იტალ. Positano) — სოფელი და კომუნა იტალიაში, კამპანიის რეგიონში, ამალფის სანაპიროზე. ძირითადი ნაწილი მდებარეობს ბორცვზე, რომელიც დაბლა, სანაპიროზე ეშვება.

ქალაქი
პოზიტანო Positano
პოზიტანოს ხედი
ქვეყანა	იტალია
რეგიონი	კამპანიაკამპანია
კოორდინატები	40°38′00″ ჩ. გ. 14°29′00″ ა. გ.
მერი	მიკელე დე ლუჩია
ფართობი	8 კმ²
ცენტრის სიმაღლე	0±1 მეტრი
მოსახლეობა	3 968 კაცი (2009)
სიმჭიდროვე	500 კაცი/კმ²
სასაათო სარტყელი	UTC+1, ზაფხულში UTC+2
სატელეფონო კოდი	089
საფოსტო ინდექსი	84017
საავტომობილო კოდი	SA
ოფიციალური საიტი	comunedipositano.it
პოზიტანო ვიკისაწყობში

მსოფლიო მემკვიდრეობა UNESCO, ობიექტი № 830 ინგლ. • რუს. • ფრ.

ისტორია

შუა საუკუნეებში პოზიტანო ამალფის რესპუბლიკის პორტი იყო და ყვაოდა XVI-XVII საუკუნეებში. მაგრამ, XIX საუკუნის შუა წლებში ქალაქს მძიმე ეპოქა დაუდგა და დასუსტდა. მოსახლეობის უდიდესი ნაწილი ემიგრაციაში წავიდა, ძირითადად ავსტრალიაში.

XX საუკუნის პირველ ნახევარში პოზიტანო მეთევზეთა ღარიბი სოფელი იყო. თუმცა, 1950-იანი წლებიდან მან დიდი რაოდენობით ტურისტის მიზიდვა დაიწყო, განსაკუთრებით მას შემდეგ, რაც 1953 წლის მაისში, ჯონ სტაინბეკმა ამერიკულ მოდის ჟურნალ Harper's Bazaar-ში პოზიტანოს შესახებ ესსე გამოაქვეყნა. „პოზიტანო სიღრმეში ცურდება“ — წერდა სტაინბეკი. „ეს ზღაპრული ადგილია, რომელიც არარეალური გეჩვენება როდესაც აქ ხარ, მაგრამ წასვლის შემდეგ ხვდები, რომ ის მართლა არსებობს“.

ღირსშესანიშნაობები

პოზიტანოში მდებარეობს სანტა-მარია-ასუნტის ეკლესია, რომლის გუმბათიც მაიოლიკის კრამიტითაა გადახურული; აქ ინახება XIII საუკუნის ბიზანტიური ხატი შავი მადონა. ადგილობრივი თქმულების თანახმად, ეს ხატი მეკობრეებმა ბიზანტიუმიდან მოიპარეს და ხმელთაშუა ზღვით მოჰქონდათ. პოზიტანოს სიახლოვეს საშინელი შტორმი ამოვარდა და შეშინებულმა მეზღვაურებმა გაიგონეს ხმა, რომელიც ამბობდა: „Posa, posa!“ (დაბლა, დაბლა). სასწაულებრივი ხატი გემიდან გადაიტანეს და მეთევზეთა სოფელში დააბრძანეს, ამის შემდეგ შტორმიც ჩადგა.

კულტურა

პოზიტანო რამდენიმე ფილმშია გადაღებული. მათ შორისაა „მხოლოდ შენ“ (1994), „ტოსკანის მზის ქვეშ“ (2003). პოზიტანოს ერთ-ერთ კაფეში, ჯგუფ როლინგ სტოუნზის წევრებმა მიკ ჯეგერმა და კით რიჩარდსმა დაწერეს სიმღერა „Midnight Rambler“.

დღეისათვის, პოზიტანოს შემოსავლის მთავარი წყაროა ტურიზმი. განთქმულია ალკოჰოლური სასმელი — ლიმონჩელო (ლიმნის ლიქიორი), რომელიც მხოლოდ მთავარი ნავსადგურის სიახლოვეს, პატარა ფარდულში იყიდება.

გალერეა

• 
  ხედი პოზიტანოს პლაჟიდან
• 
• 
• 
• 
• 

იხილეთ აგრეთვე

• იტალიის ქალაქების სია

რესურსები ინტერნეტში

• Positano დაარქივებული 2012-07-08 საიტზე Wayback Machine.
• Positano
• History of Positano დაარქივებული 2012-07-21 საიტზე Wayback Machine.
• Cartoons on the Bay Festival დაარქივებული 2012-07-16 საიტზე Wayback Machine.
• Positano Bed and Breakfast
• Positano live streaming webcam
• Positano online newspaper
• Léonide Massine Dance Award, Positano - official website
• Italy Travel Video - Positano