პარაპოლის ბარი
პარაპოლის ბარი[1] (რუს. Парапольский дол) — ვიწრო მთათაშორისი ღრმული რუსეთში, კამჩატკის მხარეში. გამოყოფს პენჟინის ქედსა და კორიაკთა მთიანეთს, რომლებიც ჩრდილო-აღმოსავლეთიდან სამხრეთ-დასავლეთისკენაა გადაჭიმული. სამხრეთი ნაწილი მდებარეობს კამჩატკის ყელზე და ციცაბოდ აწყდება ოხოტის ზღვის პენჟინის უბეს. სიგრძე დაახლ. 425 კმ. გაბატონებული სიმაღლე 50–200 მ-ია. მიედინება მდინარეები პალმატკინა (ჩრდილოეთში), კუიული და პუსტაია (სამხრეთში). ძირის ბრტყელ ზედაპირზე მრავალი ტბა და ჭაობია. განვითარებულია მრავალწლოვანი მზრალობა. ფერდობებზე ჭარბობს ტუნდრის ლანდშაფტები; ადგილ-ადგილ ქონდარა ფიჭვის რაყებია.[2]
| პარაპოლის ბარი | |
|---|---|
| რუს. Парапольский дол | |
| კოორდინატები: 61°17′48″ ჩ. გ. 164°43′05″ ა. გ. / 61.29667° ჩ. გ. 164.71806° ა. გ. | |
| ქვეყანა |  რუსეთი
|
| ტერიტორიული ერთეული | კამჩატკის მხარე |
| სიმაღლე | 50–200 მ |
| სიგრძე | 425 კმ |
| ჰიდროგრაფია | მდ. პალმატკინა, კუიული, პუსტაია; მრავალი ტბა და ჭაობი |
  | |
სქოლიო
რედაქტირება- ↑ საბჭოთა კავშირის გეოგრაფიული სახელების ორთოგრაფიული ლექსიკონი, თბ., 1987. — გვ. 159.
- ↑ Парапольский дол // Большая российская энциклопедия. т. 25. — М., 2014. — стр. 312.