ოკმოკის მთა
ოკმოკის მთა (ინგლ. Mount Okmok) — ვულკანი აშშ-ში, ალასკაში. მდებარეობს ალეუტის კუნძულების აღმოსავლეთ ცენტრალურ ნაწილში, უნმაკის კუნძულზე,[2] ანკორიჯიდან 1400 კმ-ში.[3] წარმოიქმნა ჩრდილოეთ ამერიკის ფილის ქვეშ წყნარი ოკეანის ფილის სუბდუქციით. ოკმოკი ფარისებრი ვულკანია. მის წვეროზე 10 კილომეტრი სიგანის კალდერაა მოთავსებული. კალდერა შეიცავს მრავალ წიდურ კონუსს, მათ ლავურ ნაკადებსა და რამდენიმე ტბას. კალდერის წიდური კონუსებიდან ძირითადად ბაზალტური ლავა იფრქვევა.[4]
| ოკმოკის მთა | |
|---|---|
| Mount Okmok | |
| |
| კოორდინატები: 53°26′N 168°08′W / 53.43° ჩ. გ. 168.13° დ. გ.კოორდინატები: 53°26′N 168°08′W / 53.43° ჩ. გ. 168.13° დ. გ. [[1] GVP2024] | |
| ქვეყანა | აშშ |
| სიმაღლე | 1 073 მ |
| ფართობი | 120 კმ² |
| ვულკანური რკალი | ალეუტის რკალი |
ვულკანის აქტივობა პლეისტოცენში დაიწყო.[5] ჰოლოცენში ორი უზარმაზარი კალდერისწარმომქმნელი ამოფრქვევა მოხდა, რომელთა ვულკანური ექსპლოზიურობის ინდექსი (VEI) 6-ს შეადგენდა. ამ ამოფრქვევებს შორის მეორე ძვ.წ. 43 წელს მოხდა და ვულკანური ზამთარი გამოიწვია, რამაც შესაძლოა ეგვიპტის ისტორიაზე მოახდინა გავლენა. ოკმოკი ჩრდილოეთ ამერიკის ერთ-ერთი ყველაზე აქტიური ვულკანია. 1817 წელს მისმა ამოფრქვევამ ალეუტების დასახლება გაანადგურა.[1]
სქოლიო
რედაქტირება- ↑ 1.0 1.1 GVP 2024, General Information.
- ↑ Mann, Freymueller & Lu 2002, p. 1.
- ↑ Larsen et al. 2013, p. 86.
- ↑ Larsen et al. 2013, p. 85.
- ↑ Finney et al. 2008, p. 860.