ნიგოზეთის მღვიმე
ნიგოზეთის მღვიმე, ჯიხურას მღვიმე — კარსტული მღვიმე საქართველოში, ჭიათურის მუნიციპალიტეტში. მდებარეობს ჭიათურის პლატოზე, მდინარე საძალიხევის მარცხენა ნაპირზე, სოფელ ნიგოზეთის ტერიტორიაზე, ზღვის დონიდან 650 (70) მ სიმაღლეზე.[1] გამომუშავებულია ზედაცარცულ კირქვებში, წარმოადგენს ჰორიზონტალურფსკერიან დახშულ გვირაბს; მთავარ გვირაბს აღმოსავლური მიმართულება აქვს. აქვს განშტოებები. ჯამური სიგრძე 310 მ, სიგანე მერყეობს 2–4 მ, ხოლო სიმაღლე 4–5 მ ფარგლებში. ქიმიური ნალექებიდან გვხვდება სტალაქტიტები და კალციტით მოფარდაგებული ზედაპირები. მექანიკურიდან ნგრევის ადგილობრივი პროდუქტები. მღვიმე მშრალია. შეიმჩნევა დროებითი ღვარების მოქმედების მკაფიო კვლები. შესასვლელთან კულტურული ნაფენებია, მათ შორის: კერამიკა, ცხოველის ძვლები და სხვა.[2]
| ნიგოზეთის მღვიმე | |
|---|---|
| კოორდინატები: 42°13′22″ ჩ. გ. 43°20′22″ ა. გ. / 42.22278° ჩ. გ. 43.33944° ა. გ. | |
| ქვეყანა |  საქართველო
|
| ტერიტორიული ერთეული | ჭიათურის მუნიციპალიტეტი |
| აბსოლუტური სიმაღლე | 650 (70) მ |
| სიგრძე | 310 მ |
| ამგებელი ქანები | კირქვა |
  | |
 | |