გვირაბი

გვირაბი — ხელოვნურად შექმნილი მიწისქვეშა ნაგებობა, რომელსაც სხვადასხვა მიზნით იყენებენ. ქალაქის გვირაბებში, ქუჩებისა და შენობების ქვეშ, საავტომობილო გზები და მეტროს ხაზებია გაყვანილი. მდინარეების ქვეშ ან მთებში გაყვანილ გვირაბებში რკინიგზის ხაზები გადის. ლა-მანშის სრუტის ქვეშ, დიდ სიღრმეზე გაყვანილი გვირაბი ინგლისს დანარჩენ ევროპასთან აერთებს. დიდ ქალაქებში ადამიანები ტრანსპორტით გადატვირთულ ქუჩებში გვირაბებით გადადიან. გვირაბები აწვდის ქალაქს სუფთა წყალს და გააქვს ჩამდინარე წყლები და კანალიზაცია. ვიწრო გვირაბებში ტელეფონებისა და სხვა კაბელებს ალაგებენ. მიწისქვეშა მაღაროები ქვანახშირისა და მინერალების საბადოებში გათხრილი გვირაბებისაგან შედგება. მაღაროები მსოფლიოში ყველაზე ღრმა გვირაბებია.

გვირაბი

მსოფლიოში ყველაზე გრძელი გვირაბი, რომლის გირძე 169 კმ-ია, აშშ-ში გაიყვანეს 1944 წელს. იგი წყლით ამარაგებს ქალაქ ნიუ-იორკს

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 147.