ნემსიწვერა

ნემსიწვერა (ლათ. Geranium) — მცენარეთა გვარი ნემსიწვერასებრთა ოჯახისა. მრავალწლოვანი, იშვიათად ერთწლოვანი ბალახებია.

ნემსიწვერა
Geranium pratense
მეცნიერული კლასიფიკაცია
სამეფო:  მცენარეები განყოფილება:  ფარულთესლოვნები კლასი:  ორლებნიანნი რიგი:  Geraniales ოჯახი:  ნემსიწვერასებრნი გვარი:  ნემსიწვერა
ლათინური სახელი
Geranium
სისტემატიკა ვიკისახეობებში სურათები ვიკისაწყობში ITIS   29104 NCBI   4028 EOL   14470 IPNI   327764-2

ცნობილია 400-მდე სახეობა, რომელიც გავრცელებულია ყველგან, ძირითადად კი ჩრდილოეთ ნახევარსფეროს ზომიერ ზონაში. საქართველოში 27 სახეობაა, მათგან 3 კავკასიის ენდემია; სახეობათა უმრავლესობა იზრდება ტყისა და სუბალპურ სარტყელში; ლათ. Geranium silvaticum ფიჭვნარებსა და ნათელ ტყეებში, ლათ. Geranium gymnocaulon ქმნის მაღალმთის ფორმაციას, ლათ. Geranium renardii სუბალპურ მდელოთა ერთ-ერთი ედიფიკატორია. მცირე ნაწილი გვხვდება ველებისა და ნახევრად უდაბნოების სარტყელშიც (ლათ. Geranium dissectum, Geranium molle). ნემსიწვერას ზოგიერთ დეკორატიულ სახეობას ამრავლებენ.

• ნემსიწვერას სახელწოდებით ცნობილია ამავე ოჯახის პელარგონიუმის (ლათ. Pelargonium) გვარის სახეობები.

ლიტერატურა

• ივანიშვილი მ., ქართული საბჭოთა ენციკლოპედია, ტ. 7, თბ., 1984. — გვ. 377.