მუხურიშხა

მუხურიშხა, მუხურშა — მთა საქართველოში, აფხაზეთის ავტონომიური რესპუბლიკის სოხუმის მუნიციპალიტეტში. მდებარეობს ბზიფის ქედზე. სიმაღლე ზღვის დონიდან 2207 მ. აგებულია ბაიოსური პორფირიტებით, ტუფებითა და ტუფ-ბრექჩიებით. ჩრდილოეთი კალთა ციცაბოა, სამხრეთი — დამრეცი. მუხურიშხაზე სათავე აქვს მდინარე ჩედიმს (დასავლეთის გუმისთის მარცხენა შენაკადი). თხემი შემოსილია სუბალპური მდელოებით, კალთები — შერეული ფოთლოვანი ტყით.

მუხურიშხა
კოორდინატები: 43°18′51″ ჩ. გ. 40°57′54″ ა. გ.
ქვეყანა	საქართველო
ტერიტორიული ერთეული	სოხუმის მუნიციპალიტეტი
სიმაღლე	2207 მ
ქედი	ბზიფის ქედი
ამგებელი ქანები	ტუფი და ტუფ-ბრექჩია

ლიტერატურა

• ნემანიშვილი ს., ქართული საბჭოთა ენციკლოპედია, ტ. 7, თბ., 1984. — გვ. 233.